Лавров: Москва Киевге абалды жөнгө салуу долбоорун туткундарды алмашкан соң берет
18:41 24.05.2025 (Жаңыртылды: 10:52 25.05.2025)
© Sputnik / Евгений Биятов
/ Жазылуу
БИШКЕК, 24-май — Sputnik. Москва абалды жөнгө салуу боюнча документтин долбоорун туткундарды алмаштыруу аяктагандан кийин дароо Киевге берүүгө даяр. Бул тууралуу РФ ТИМ башчысы Сергей Лавров билдиргенин РИА Новости жазды.
Тышкы иштер министринин айткандары:
Россия чагымчыл аракеттерге карабастан, Украина менен макулдашууга жетишүү үчүн зарыл болгон шарт-талаптар жазылган документтер менен иштөөнү улантат;
Москва Россиядагы жарандык объектилерге учкучсуз учактардын чабуулун айрым Европа мамлекеттеринин украиналыктарга көрсөткөн колдоосу деп эсептейт;
Украинанын Россияга террордук чабуулдарынын көбөйүшү менен европалык саясатчылардын Киевге байма-бай жасалган сапарларынын байланышын байкабай коюу мүмкүн эмес
Евробиримдиктин лидерлери Дональд Трампты Россияга каршылардын лагерине кайтарып, Украинанын Россияга жасаган чабуулдары үчүн жоопкерчиликти АКШга кошо артабыз деп үмүттөнүшүүдө;
Москва Киевдин жарандык объектилерге жасаган чабуулу, ошондой эле согуш принциптерин бузуу боюнча БУУнун реакциясын күтүүдө;
Россия Стамбулда жакында жетишилген макулдашууларды жактайт ("миңге миң" принциби боюнча алмаша турган туткундардын тизмесин түзүү боюнча иштерди бүтүрүп жатабыз);
Буга чейин Россия менен Украина 1000ге 1000 кылып (башма-баш) туткун алмашууну Стамбулда макулдашкан.
