Эколог: токой чарбачылыгы өзүнчө мамлекеттик орган болушу керек
© Sputnik / Асылбек Бактыбеков
Жазылуу
Жаратылышты коргоо боюнча эксперт, эколог Ормон Султангазиев жайыттарды туура эмес колдонуу, малдын санынын өсүшү токойлордун көбөйүшүнө терс таасирин тийгизип жатканын айтты.
Токой чарбачылыгы өзүнчө мамлекеттик орган болушу керек. Себеби климаттын өзгөрүшүнө, өлкөдөгү биологиялык ар түрдүүлүктүү сактоого маани берилиши зарыл. Бул тууралуу Ормон Султангазиев Sputnik Кыргызстан радиосуна маек куруп жатып билдирди.
Эколог: токой чарбачылыгы өзүнчө мамлекеттик орган болушу керек
Анын айтымында, Кыргызстандын токой каптаган аянты 6-7 пайызды же 1,2 миллион гектарды түзөт.
"Акыркы маалыматтар боюнча, Кыргызстандын токой каптаган аянты 6-7 пайыздын тегерегинде же 1,2 миллион гектарга туура келет. Ал эми токой өстүрө турган аянт 3,3 миллион гектарга жетет. Демек, бак-дарак тигүүгө маани берип, ишти күчөтүү керек. Жайыттарды туура эмес колдонуу, малдын санынын өсүшү токойлордун көбөйүшүнө терс таасирин берип жатат. Илимий кызматкерлердин санын, айлыгын көбөйтүп, калктын жаратылышты коргоо боюнча сабаттуулугун жакшыртуу керек. Мындан тышкары, Токой чарба кызматы өзүнчө мамлекеттик орган болгону оң. Себеби климаттын өзгөрүп жатканына, өлкөдөгү биологиялык ар түрдүүлүктүү сактоого маани берилиши зарыл. Кызмат бирде Айыл чарба министрлигине өтөт, кээде Өзгөчө кырдаалдар министрлигинин карамагына берилет, башка органдын алдында жүргөн учурлары да болду", — деди Султангазиев.
Ошондой эле ал "Жашыл мурас" долбоору жогорку деңгээлде жүргүзүлсө жыйынтыгы жакшы болорун кошумчалады.
