https://sputnik.kg/20250519/ukrainanyn-ebge-kirishi-vengriya-uchun-chon-kooptuuluk-zharatat--1094065079.html
Орбан: Украинанын ЕБге кириши ириде Венгрия үчүн чоң кооптуулук жаратат
Орбан: Украинанын ЕБге кириши ириде Венгрия үчүн чоң кооптуулук жаратат
Sputnik Кыргызстан
БИШКЕК, 19-май — Sputnik. Украинанын Евробиримдикке кошулушу менен согуш Европага жайылып, кылмыштуулук күчөйт, ириде бул Венгрия үчүн чоң кооптуулук болуп... 19.05.2025, Sputnik Кыргызстан
2025-05-19T11:33+0600
2025-05-19T11:33+0600
2025-05-19T13:12+0600
россиянын донбассты коргоо боюнча атайын операциясы
дүйнөдө
венгрия
украина
евробиримдик
мүчөлүк
акция
форум
виктор орбан
согуш
https://sputnik.kg/img/07e8/0c/06/1090650753_0:0:3072:1728_1920x0_80_0_0_1f00d93d80893a572034117c7d9a2f5d.jpg
БИШКЕК, 19-май — Sputnik. Украинанын Евробиримдикке кошулушу менен согуш Европага жайылып, кылмыштуулук күчөйт, ириде бул Венгрия үчүн чоң кооптуулук болуп саналат. Мындай пикирин Венгриянын премьер-министри Виктор Орбан өзү уюштурган патриоттук форумдун жүрүшүндө айтканын РИА Новости жазды. Саясатчынын айтымында, согуштун Европага жайылышына, фермерлердин жабыркай турганына, мында Венгрия "украин мафиясы үчүн дарбаза" блуп каларына Киев режиминин башы оорубайт. Орбан Брюсселдин "Венгрияны колонияга айлануу" ниети болгонун, алдыдагы шайлоодо бийликке Киевге жана Европага ыктаган оппозицияны алып келүүгө аракет көрүп жатканын белгиледи. Украинанын сырттан каржыланган атайын кызматтарынын да Венгрияга каршы акциялары ушул эле максатты көздөйт. "Украинанын ЕБге кошулуусу — Батыш үчүн жакшы болгону менен биз үчүн өтө терс нерсе. Алар кофе ичсе, бизге түбү калат. Украинага биз коңшубуз, биздин чек арага чабуул жасалат, биздеги жумуш орундары кыскарат, биздин акча ал жакка кетет. Биз буга каршылык көрсөтүшүбүз керек, каршы турабыз деп убада берем. Венгриянын акчасы Брюссель аркылуу Украинага кетпеши керек", — деген премьер. 9-май күнү Украинанын Коопсуздук кызматы өлкө тарыхында биринчи жолу "Венгриянын аскердик чалгынынын агентуралык түйүнүн" аныктаганын билдирген. Украина Куралдуу күчтөрүнүн мурунку аскер кызматкерлери кармалган. Буга жооп иретинде Венгриянын ТИМ башчысы Петер Сийярто өлкө аймагынан элчиликте иштеген эки украиналык тыңчы чыгарылганын билдирген. Андан кийин Киев эки венгриялык дипломатты чыгарып жиберген. Шейшемби күнү Орбан тыңчы окуясынан кийин Коргоо кеңешин чакырып, бул украиналык атайын кызматтын жасаганы деген. Премьердин айтымында, мындай аракеттер Украинанын Евробиримдикке кириши боюнча жалпы улуттук добуш берүүнү үзгүлтүккө учуратуу үчүн жергиликтүү оппозиция тарабынан жасалууда.
https://sputnik.kg/20250518/orban-evrobirimdikti-ukraina-maselesi-boyuncha-akshga-koshuluuga-chakyrdy-1094043109.html
венгрия
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, венгрия, украина, евробиримдик, мүчөлүк, акция, форум, виктор орбан, согуш
дүйнөдө, венгрия, украина, евробиримдик, мүчөлүк, акция, форум, виктор орбан, согуш
БИШКЕК, 19-май — Sputnik. Украинанын Евробиримдикке кошулушу менен согуш Европага жайылып, кылмыштуулук күчөйт, ириде бул Венгрия үчүн чоң кооптуулук болуп саналат. Мындай пикирин Венгриянын премьер-министри Виктор Орбан өзү уюштурган патриоттук форумдун жүрүшүндө айтканын
РИА Новости жазды.
"Бүгүнкү күндүн эң чоң коркунучу — Украинанын ЕБге кириши. Мен аларды жакшы түшүнүп турам, өлкө кыйроого учурады, Украина керек болсо согушка чейин эле банкрот мамлекет болчу, азыр да ушундай, кийин да ушул калыбында кала берет. Бутуна тура алган эмес, азыр аларга акча, башка бирөөнүн акчасы керек болуп турат. Мына ушул себептен алар Евробиримдикке кандай жол менн болсо да кирүүгө далалаттанып жатышат", — деди Орбан.
Саясатчынын айтымында, согуштун Европага жайылышына, фермерлердин жабыркай турганына, мында Венгрия "украин мафиясы үчүн дарбаза" блуп каларына Киев режиминин башы оорубайт.
Орбан Брюсселдин "Венгрияны колонияга айлануу" ниети болгонун, алдыдагы шайлоодо бийликке Киевге жана Европага ыктаган оппозицияны алып келүүгө аракет көрүп жатканын белгиледи. Украинанын сырттан каржыланган атайын кызматтарынын да Венгрияга каршы акциялары ушул эле максатты көздөйт.
"Украинанын ЕБге кошулуусу — Батыш үчүн жакшы болгону менен биз үчүн өтө терс нерсе. Алар кофе ичсе, бизге түбү калат. Украинага биз коңшубуз, биздин чек арага чабуул жасалат, биздеги жумуш орундары кыскарат, биздин акча ал жакка кетет. Биз буга каршылык көрсөтүшүбүз керек, каршы турабыз деп убада берем. Венгриянын акчасы Брюссель аркылуу Украинага кетпеши керек", — деген премьер.
9-май күнү Украинанын Коопсуздук кызматы өлкө тарыхында биринчи жолу "Венгриянын аскердик чалгынынын агентуралык түйүнүн" аныктаганын билдирген. Украина Куралдуу күчтөрүнүн мурунку аскер кызматкерлери кармалган. Буга жооп иретинде Венгриянын ТИМ башчысы Петер Сийярто өлкө аймагынан элчиликте иштеген эки украиналык тыңчы чыгарылганын билдирген. Андан кийин Киев эки венгриялык дипломатты чыгарып жиберген.
Шейшемби күнү Орбан тыңчы окуясынан кийин Коргоо кеңешин чакырып, бул украиналык атайын кызматтын жасаганы деген. Премьердин айтымында, мындай аракеттер Украинанын Евробиримдикке кириши боюнча жалпы улуттук добуш берүүнү үзгүлтүккө учуратуу үчүн жергиликтүү оппозиция тарабынан жасалууда.
