https://sputnik.kg/20250518/turgunbek-uulu-volodin-zholugushuu-1094053971.html
Кыргызстан да, Россия да кызматташууга кызыкдар. Эки өлкөнүн спикерлери жолукту
Кыргызстан да, Россия да кызматташууга кызыкдар. Эки өлкөнүн спикерлери жолукту
Sputnik Кыргызстан
БИШКЕК, 18-май — Sputnik. Кыргызстан менен Россиянын ортосундагы соода жүгүртүүнүн көлөмү былтыр 3,5 миллиард долларга жеткен, эми 5 миллиардга жеткирүү кажет... 18.05.2025, Sputnik Кыргызстан
2025-05-18T20:54+0600
2025-05-18T20:54+0600
2025-05-19T09:27+0600
кыргызстан
россия
нурланбек тургунбек уулу
вячеслав володин
жолугушуу
кызматташуу
экономика
https://sputnik.kg/img/07e9/05/12/1094053805_0:114:1517:967_1920x0_80_0_0_4352692c850a72756a56a92f2fa6beb4.jpg
БИШКЕК, 18-май — Sputnik. Кыргызстан менен Россиянын ортосундагы соода жүгүртүүнүн көлөмү былтыр 3,5 миллиард долларга жеткен, эми 5 миллиардга жеткирүү кажет. Бул тууралуу Жогорку Кеңештин төрагасы Нурланбек Тургунбек уулу Россия Мамлекеттик Думасынын спикери Вячеслав Володин менен жолугушуу учурунда билдиргенин парламенттин маалымат кызматы билдирди.Эскерте кетсек, Мамдума төрагасы Кыргызстанга расмий сапар менен бүгүн келген.Жолугушууда эки өлкө ортосундагы саясий-экономикалык, маданий-гуманитардык алакалардын учурдагы абалы талкууланып, парламенттер аралык кызматташтыкты кеңейтүү тууралуу сөз болду.Тургунбек уулу Кыргызстан негизги стратегиялык өнөктөш өлкө катары Россия менен калыптанган кызматташтыкты мындан ары да өнүктүрүүгө кызыкдар экендигин белгилеп, бул жолугушуу алакаларды дагы тереңдетүүгө көмөкчү болорун кошумчалады.Төрага бул багытта Жогорку Кеңеш менен Мамлекеттик Думанын ортосундагы диалог эл аралык аянтчаларда да жигердүү өнүгүп келе жатканын эске салып, буга КМШ ПАА жана ЖККУ ПА өңдүү парламенттер аралык уюмдардын алкагындагы байланыштарды мисал кылды.Жолугушууда маданий-гуманитардык байланыштардын учурдагы абалы, анын ичинен билим берүү жаатындагы алакалар тууралуу да сөз кылып, төрага азыркы тапта 16 миң кыргызстандык студент Россиянын алдыңкы окуу жайларында билим алып жатканын мисал кылды. Ошону менен катар Кыргызстанда Россиянын көмөгү менен 9 заманбап мектепти куруу иши жүргүзүлүп, билим берүү тармагы боюнча түзүлгөн кызматташтык ийгиликтүү ишке ашырылып жатканын баса белгиледи.Миграциялык жагдайга да токтолгон спикер Кыргызстандын ЕАЭБдеги мүчөлүгүн жана негизги өнөктөш өлкө экенин эске алып, кыргызстандыктарга жеңилдиктерди жана айрым миграциялык маселелерде артыкчылыктарды берүү зарыл экенин кошумчалады. Айрыкча эмгек мигранттарынын укуктарын коргоо жана мыйзамсыз көрүнүштөргө каршы биргелешип күрөшүү жаатындагы сунуштарын айтты.Өз кезегинде Россиянын Мамлекеттик Думасынын Төрагасы Вячеслав Володин расмий сапарынын максаты тууралуу сөз кылып, ушундай жолугушуулар парламенттик кызматташтыкты гана кеңейтпестен, жалпы эле мамлекеттер аралык байланышты чыңдоого көмөкчү болорун белгиледи.Ал эми миграциялык маселелерди Парламенттер аралык комиссиянын алкагында, тиешелүү мекемелердин катышуусунда карап, аталган багытта эки тараптуу иш алып баруу керектигин белгиледи.Муну менен катар кесиптешин Улуу Жеңиштин 80 жылдыгы менен куттуктаган Мамдуманын төрагасы Улуу Ата Мекендик согуштагы жеңишти камсыздоодо кыргызстандыктардын салымы зор болгонун баса белгиледи.“Кан майдандагы кыргыз жоокерлеринин эрдиктери, алаамат маалында жер которуп келгендерди, айрыкча кичинекей балдарды өз бооруна тартып, өз балдарындай асыраган кыргыз энелеринин кайратмандыгы баарыбыздын эсибизде”, — деди Володин.
https://sputnik.kg/20250509/putin-borbor-aziyalyktar-zhenishtegi-salymyn-belgiledi-1093868777.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, россия, нурланбек тургунбек уулу, вячеслав володин, жолугушуу, кызматташуу, экономика
кыргызстан, россия, нурланбек тургунбек уулу, вячеслав володин, жолугушуу, кызматташуу, экономика
БИШКЕК, 18-май — Sputnik. Кыргызстан менен Россиянын ортосундагы соода жүгүртүүнүн көлөмү былтыр 3,5 миллиард долларга жеткен, эми 5 миллиардга жеткирүү кажет. Бул тууралуу Жогорку Кеңештин төрагасы Нурланбек Тургунбек уулу Россия Мамлекеттик Думасынын спикери Вячеслав Володин менен жолугушуу учурунда билдиргенин парламенттин маалымат кызматы билдирди.
Эскерте кетсек, Мамдума төрагасы Кыргызстанга расмий сапар менен бүгүн
келген.
Жолугушууда эки өлкө ортосундагы саясий-экономикалык, маданий-гуманитардык алакалардын учурдагы абалы талкууланып, парламенттер аралык кызматташтыкты кеңейтүү тууралуу сөз болду.
Тургунбек уулу Кыргызстан негизги стратегиялык өнөктөш өлкө катары Россия менен калыптанган кызматташтыкты мындан ары да өнүктүрүүгө кызыкдар экендигин белгилеп, бул жолугушуу алакаларды дагы тереңдетүүгө көмөкчү болорун кошумчалады.
Төрага бул багытта Жогорку Кеңеш менен Мамлекеттик Думанын ортосундагы диалог эл аралык аянтчаларда да жигердүү өнүгүп келе жатканын эске салып, буга КМШ ПАА жана ЖККУ ПА өңдүү парламенттер аралык уюмдардын алкагындагы байланыштарды мисал кылды.
“Былтыр эки өлкө ортосундагы соода жүгүртүүнүн көлөмү 3,5 миллиард долларга жеткен. Бизде мүмкүнчүлүктөр өтө көп. Андыктан жакынкы аралыкта соода байланыштарыбызды дагы тереңдетип, 5 миллиард долларга жеткирүүбүз кажет. Бул үчүн эки өлкөнүн бизнес-коомчулугунун жана ишкерлеринин да байланышын арттыруубуз зарыл. Айрыкча биз россиялык инвесторлор менен тыгыз иш алып барууга жана биргелешкен долбоорлорду ишке ашырууга кызыкдарбыз”, — деди Тургунбек уулу.
Жолугушууда маданий-гуманитардык байланыштардын учурдагы абалы, анын ичинен билим берүү жаатындагы алакалар тууралуу да сөз кылып, төрага азыркы тапта 16 миң кыргызстандык студент Россиянын алдыңкы окуу жайларында билим алып жатканын мисал кылды. Ошону менен катар Кыргызстанда Россиянын көмөгү менен 9 заманбап мектепти куруу иши жүргүзүлүп, билим берүү тармагы боюнча түзүлгөн кызматташтык ийгиликтүү ишке ашырылып жатканын баса белгиледи.
Миграциялык жагдайга да токтолгон спикер Кыргызстандын ЕАЭБдеги мүчөлүгүн жана негизги өнөктөш өлкө экенин эске алып, кыргызстандыктарга жеңилдиктерди жана айрым миграциялык маселелерде артыкчылыктарды берүү зарыл экенин кошумчалады. Айрыкча эмгек мигранттарынын укуктарын коргоо жана мыйзамсыз көрүнүштөргө каршы биргелешип күрөшүү жаатындагы сунуштарын айтты.
Өз кезегинде Россиянын Мамлекеттик Думасынын Төрагасы Вячеслав Володин расмий сапарынын максаты тууралуу сөз кылып, ушундай жолугушуулар парламенттик кызматташтыкты гана кеңейтпестен, жалпы эле мамлекеттер аралык байланышты чыңдоого көмөкчү болорун белгиледи.
“Россия Федерациясы Кыргызстан менен бардык багыттарда кызматташууга кызыкдар. Анын ичинен соода-экономикалык алакаларды арттырып, өз ара кызыкчылыкка шайкеш келген өнөктөштүктү өрчүтүүбүз кажет”, — деди Володин.
Ал эми миграциялык маселелерди Парламенттер аралык комиссиянын алкагында, тиешелүү мекемелердин катышуусунда карап, аталган багытта эки тараптуу иш алып баруу керектигин белгиледи.
Муну менен катар кесиптешин Улуу Жеңиштин 80 жылдыгы менен куттуктаган Мамдуманын төрагасы Улуу Ата Мекендик согуштагы жеңишти камсыздоодо кыргызстандыктардын салымы зор болгонун баса белгиледи.
“Кан майдандагы кыргыз жоокерлеринин эрдиктери, алаамат маалында жер которуп келгендерди, айрыкча кичинекей балдарды өз бооруна тартып, өз балдарындай асыраган кыргыз энелеринин кайратмандыгы баарыбыздын эсибизде”, — деди Володин.
