https://sputnik.kg/20250518/sadyr-zhaparov-ehneler-kuttuktoo-ayal-tarbiya-koom-1094043414.html
Өмүрдүн башаты. Жапаров Энелер күнүнө карата куттук айтты
Өмүрдүн башаты. Жапаров Энелер күнүнө карата куттук айтты
Sputnik Кыргызстан
БИШКЕК, 18-май — Sputnik. Президент Садыр Жапаров кыргызстандыктарды Энелер күнү менен куттуктады. Аны президенттик администрациянын маалымат кызматы... 18.05.2025, Sputnik Кыргызстан
2025-05-18T10:58+0600
2025-05-18T10:58+0600
2025-05-20T11:52+0600
кыргызстан
садыр жапаров
энелер күнү
куттуктоо
аял
тарбия
коом
https://sputnik.kg/img/07e8/0c/03/1090570149_0:131:3070:1859_1920x0_80_0_0_caf6128e94bcaf7dc147e1be9e9e2493.jpg
БИШКЕК, 18-май — Sputnik. Президент Садыр Жапаров кыргызстандыктарды Энелер күнү менен куттуктады. Аны президенттик администрациянын маалымат кызматы жарыялады. Өлкө башчы сөзүн ата-бабалар улуттун келечегин улап, ар бир инсандын калыптануусуна таасир тийгизген аялзатына аздек мамиле кылышканын эскерүү менен баштаган. Жапаров алардын жолун жолдоп келе жаткан кыз-келиндер азыр да четтен чыгарын, Кыргызстанда энелердин эмгеги, мамлекетке кошуп жаткан салымы бааланууга тийиш экенин айткан. Президент бүгүнкү күндө жергиликтүү кеңештердин — 42, Жогорку Кеңештин — 22, мамлекеттик кызматта иштегендердин дээрлик 44,5 пайызын аялдар түзүп, жогорку кызматтарда иштеп жатышканын белгилеген. Жапаров алар саясий, коомдук турмушка бат аралашарын айтып, лидерлик сапаттары, өнүгүүгө умтулуусу мамлекетти өнүктүрүүдө маанилүү экенин кошумчалаган. Ошондой эле ушу тапта үй-бүлө, эне-бала институтун жана салттуу үй-бүлөлүк баалуулуктарды өнүктүрүүгө өзгөчө көңүл бурулуп жатканын билдирген. "Балдарды энелик мээрим, сүйүүгө, сабырга сугарып, адамгерчиликке багыттап, каада-салтты заманбап билимге айкалыштыруу менен тарбия берип, коомдун туруктуу өнүгүшүнө зор салым кошуп келе жаткан аялзатын кайда болбосун бапестеп-барктап алалы", — деген Жапаров. Сөзүнүн соңунда энелерге балдарынын урмат-сыйына бөлөнүп жашашын, бекем ден соолук, күч-кубат, бактылуу турмуш каалаган. Кыргызстанда 2012-жылдан тартып май айынын үчүнчү жекшембисинде Энелер күнү белгиленип келет.
https://sputnik.kg/20250308/kyrgyzstan-sadyr-zhaparov-kuttuktoo-1092512019.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, энелер күнү, куттуктоо, аял, тарбия, коом
кыргызстан, садыр жапаров, энелер күнү, куттуктоо, аял, тарбия, коом
БИШКЕК, 18-май — Sputnik. Президент Садыр Жапаров кыргызстандыктарды Энелер күнү менен куттуктады. Аны президенттик администрациянын маалымат кызматы жарыялады.
Өлкө башчы сөзүн ата-бабалар улуттун келечегин улап, ар бир инсандын калыптануусуна таасир тийгизген аялзатына аздек мамиле кылышканын эскерүү менен баштаган.
"Алар өмүрдүн башаты, үйдүн куту энелер экенин жакшы түшүнүшкөн. Кыргыз энелери улуттун учугун улоочу гана эмес, урпактарга нарк-насилди жайылтуучу, мамлекеттин бүтүндүгүн сактоочу катары калың журттун уюткусу болуп келишкен. Буга мисал катары: Каныкей, Айчүрөк, Арууке, Бирмыскал, Курманжан датка энелерибизден тарта кийинки мезгилдин чыгаандары: Уркуя Салиева, Зууракан Кайназарова, Керимбүбү Шопокова, Күлүйпа Кондучалова, Токтогон Алтыбасарова, Бүбүсара Бейшеналиева, Таттыбүбү Турсунбаева жана башкаларды айтып келебиз", — деген президент.
Жапаров алардын жолун жолдоп келе жаткан кыз-келиндер азыр да четтен чыгарын, Кыргызстанда энелердин эмгеги, мамлекетке кошуп жаткан салымы бааланууга тийиш экенин айткан.
Президент бүгүнкү күндө жергиликтүү кеңештердин — 42, Жогорку Кеңештин — 22, мамлекеттик кызматта иштегендердин дээрлик 44,5 пайызын аялдар түзүп, жогорку кызматтарда иштеп жатышканын белгилеген. Жапаров алар саясий, коомдук турмушка бат аралашарын айтып, лидерлик сапаттары, өнүгүүгө умтулуусу мамлекетти өнүктүрүүдө маанилүү экенин кошумчалаган.
Ошондой эле ушу тапта үй-бүлө, эне-бала институтун жана салттуу үй-бүлөлүк баалуулуктарды өнүктүрүүгө өзгөчө көңүл бурулуп жатканын билдирген.
"Балдарды энелик мээрим, сүйүүгө, сабырга сугарып, адамгерчиликке багыттап, каада-салтты заманбап билимге айкалыштыруу менен тарбия берип, коомдун туруктуу өнүгүшүнө зор салым кошуп келе жаткан аялзатын кайда болбосун бапестеп-барктап алалы", — деген Жапаров.
Сөзүнүн соңунда энелерге балдарынын урмат-сыйына бөлөнүп жашашын, бекем ден соолук, күч-кубат, бактылуу турмуш каалаган.
Кыргызстанда 2012-жылдан тартып май айынын үчүнчү жекшембисинде Энелер күнү белгиленип келет.
8 Жалган Куран 2025, 10:14
