Кыймылсыз мүлктүн келишимдерин “Түндүк” аркылуу каттоого болот
14:28 27.04.2025 (Жаңыртылды: 16:05 28.04.2025)
Жазылуу
БИШКЕК, 27-апр.— Sputnik. Кыймылсыз мүлк боюнча келишимдерди “Түндүк” аркылуу каттоого болот. “Кызмат” мамлекеттик мекемесинин директору Урматбек Камбаров жаңы кызмат ишке киргендигин билдирди.
“Эми кыймылсыз мүлктү сатып алуу, сатуу келишимин толугу менен онлайн-форматта, жаңыртылган “Түндүк” тиркемеси аркылуу каттоого мүмкүнчүлүк түзүлдү. Эч кандай кезек күтүүсүз, кагаз иштерисиз, тез, ыңгайлуу, коопсуз алууга болот”, — деген Камбаров.
Келишимди каттоо үчүн төмөнкүлөр талап кылынат:
“Түндүк” тиркемесине кирүү;
электрондук кол тамга;
кыймылсыз мүлк боюнча төлөнгөн салыктар;
жубайынын/күйөөсүнүн макулдугу (эгер болсо).
“Кыймылсыз мүлктү кайра каттоо” кызматындагы келишим 5 сааттан 3 иш күнүнө чейинки мөөнөттө катталат.
