https://sputnik.kg/20250425/1093567089.html
Жаңылыктар. Чыгарылыш 17:00
Жаңылыктар. Чыгарылыш 17:00
Sputnik Кыргызстан
УКМК төрагасы Камчыбек Ташиев Россиянын Кыргызстандагы элчиси Сергей Вакуновду кабыл алды. Бул тууралуу күч структураларындагы маалымат булак кабарлады. Ага... 25.04.2025, Sputnik Кыргызстан
2025-04-25T17:00+0600
2025-04-25T17:00+0600
2025-04-25T17:10+0600
https://sputnik.kg/img/07e9/04/19/1093566957_0:3:1036:586_1920x0_80_0_0_fe9ec5b10f7847d99c08cf734454325f.jpg
Жаңылыктар. Чыгарылыш 17:00
Sputnik Кыргызстан
УКМК төрагасы Камчыбек Ташиев Россиянын Кыргызстандагы элчиси Сергей Вакуновду кабыл алды. Бул тууралуу күч структураларындагы маалымат булак кабарлады. Ага ылайык, жолугушууда "Жалданмачылык" беренеси боюнча шектелип кармалгандар, анын ичинде "Русский дом" уюмунун Оштогу кызматкери боюнча кеп болгон. Ишенимдүү булактар билдиргендей, тергөө камалгандардын баш коргоо чарасын үй камагына өзгөртүүнү мүмкүн деп тапкан. Эске салсак, буга чейин Россотрудничествонун Кыргызстандагы өкүлчүлүгүнүн кызматкери Наталья Секерина жана дагы үч адам "Жалданмачылык" беренеси боюнча айыпталып кармалганы кабарланган.
Транспорттук байланыш жана энергиянын кайра жаралуучу булактарын өнүктүрүү ЕАЭБдин экономикасынын локомотиви болушу мүмкүн. Бул тууралуу ЕЭКтин энергетика жана инфраструктура министри Арзыбек Кожошев Бишкектеги "Глобалдык тоо диалогу" эл аралык конференциясында билдирди. Ал тоолуу аймакта жайгашканына карабастан Кыргызстандын экономикасы өсүп жатканын белгилеген. "2024-жылы өлкөнүн ИДПсы 9 пайызга өстү. Бирок тоолуу райондор климаттык тобокелдик, ички миграция сыяктуу жагдайларга туш болууда. Бул мамлекеттик саясатты өзүнчө мамиле менен иштеп чыгууну талап кылат", — деди министр. Кожошев бул багытта Кытай — Кыргызстан — Өзбекстан жана Балыкчы — Кочкор — Макмал темир жолдорунун курулушуна, алыскы аймактар менен аба каттамдарды жандантууга жана энергетика темасына басым жасады.
ЕАЭБ өлкөлөрүнө жасалган Кыргызстандын экспорту 23,5 пайызга өстү. Бул тууралуу Улуттук статистика комитетинен билдиришти. "Бул — былтыркы жылдын ушул мезгилине салыштырылган көрсөткүч. Быйыл январь-февраль айларында республика биримдикке кирген өлкөлөргө 148,9 миллион долларлык продукция саткан", — деп айтылат маалыматта. Республиканын экспортунун 46 пайыздан ашыгы уюмга мүчө өлкөлөргө туура келет.
Куланак ГЭСи 2026-жылы ишке берилерин Энергетика министрлигинен билдиришип, кубаттуулугу 100 мегаватт экенин айтышты. "Нарын дарыясындагы станция жыл сайын 450 миллион киловатт-саатка чейин электр энергиясын иштеп чыкмакчы. Бул электр кубатына болгон ички керектөөнүн бир бөлүгүн канааттандырууга, CASA-1000 долбоорунун алкагында экспорттук милдеттенмелерди аткаруу үчүн кошумча кубаттуулук түзүүгө жардам берет", — деп жазылган маалыматта.Долбоор жалпысынан 124 миллион долларга бааланып, Россия-Кыргыз өнүктүрүү фонду анын 44 миллион долларын каржылаган. ГЭС электр энергиясынын тартыштыгын 18 пайызга кыскартары айтылган.
Өлкөдө VII эл аралык "Жеңиш диктанты" акциясы өттү. Ал Улуу Ата Мекендик согуштагы Жеңиштин 80 жылдыгына арналды. Быйыл Кыргызстанда бул жат жазуунун катышуучулары үчүн 70 аянтча ачылды. Негизги, борбордук жай Чыңгыз Айтматов атындагы Орус улуттук драма театрында ачылды. Бул жерде "Жеңиш терезеси" деп аталган дагы бир акция башталып, ал да улуу дата — 9-Майга арналды. Театрдын терезелерине Жеңиш күнгө арналган сүрөттөр илинди. Жакынкы күндөрү бул демилге Кыргызстандын кыйырына жайылмакчы. Тагыраагы, каалаган ар бир киши үйүнүн, иштеген мекеменин терезелерин Жеңиштин символикасы менен кооздоп алса болот.
УКМК төрагасы Камчыбек Ташиев Россиянын Кыргызстандагы элчиси Сергей Вакуновду кабыл алды. Бул тууралуу күч структураларындагы маалымат булак кабарлады. Ага ылайык, жолугушууда "Жалданмачылык" беренеси боюнча шектелип кармалгандар, анын ичинде "Русский дом" уюмунун Оштогу кызматкери боюнча кеп болгон. Ишенимдүү булактар билдиргендей, тергөө камалгандардын баш коргоо чарасын үй камагына өзгөртүүнү мүмкүн деп тапкан. Эске салсак, буга чейин Россотрудничествонун Кыргызстандагы өкүлчүлүгүнүн кызматкери Наталья Секерина жана дагы үч адам "Жалданмачылык" беренеси боюнча айыпталып кармалганы кабарланган.Транспорттук байланыш жана энергиянын кайра жаралуучу булактарын өнүктүрүү ЕАЭБдин экономикасынын локомотиви болушу мүмкүн. Бул тууралуу ЕЭКтин энергетика жана инфраструктура министри Арзыбек Кожошев Бишкектеги "Глобалдык тоо диалогу" эл аралык конференциясында билдирди. Ал тоолуу аймакта жайгашканына карабастан Кыргызстандын экономикасы өсүп жатканын белгилеген. "2024-жылы өлкөнүн ИДПсы 9 пайызга өстү. Бирок тоолуу райондор климаттык тобокелдик, ички миграция сыяктуу жагдайларга туш болууда. Бул мамлекеттик саясатты өзүнчө мамиле менен иштеп чыгууну талап кылат", — деди министр. Кожошев бул багытта Кытай — Кыргызстан — Өзбекстан жана Балыкчы — Кочкор — Макмал темир жолдорунун курулушуна, алыскы аймактар менен аба каттамдарды жандантууга жана энергетика темасына басым жасады. ЕАЭБ өлкөлөрүнө жасалган Кыргызстандын экспорту 23,5 пайызга өстү. Бул тууралуу Улуттук статистика комитетинен билдиришти. "Бул — былтыркы жылдын ушул мезгилине салыштырылган көрсөткүч. Быйыл январь-февраль айларында республика биримдикке кирген өлкөлөргө 148,9 миллион долларлык продукция саткан", — деп айтылат маалыматта. Республиканын экспортунун 46 пайыздан ашыгы уюмга мүчө өлкөлөргө туура келет.Куланак ГЭСи 2026-жылы ишке берилерин Энергетика министрлигинен билдиришип, кубаттуулугу 100 мегаватт экенин айтышты. "Нарын дарыясындагы станция жыл сайын 450 миллион киловатт-саатка чейин электр энергиясын иштеп чыкмакчы. Бул электр кубатына болгон ички керектөөнүн бир бөлүгүн канааттандырууга, CASA-1000 долбоорунун алкагында экспорттук милдеттенмелерди аткаруу үчүн кошумча кубаттуулук түзүүгө жардам берет", — деп жазылган маалыматта.Долбоор жалпысынан 124 миллион долларга бааланып, Россия-Кыргыз өнүктүрүү фонду анын 44 миллион долларын каржылаган. ГЭС электр энергиясынын тартыштыгын 18 пайызга кыскартары айтылган.Өлкөдө VII эл аралык "Жеңиш диктанты" акциясы өттү. Ал Улуу Ата Мекендик согуштагы Жеңиштин 80 жылдыгына арналды. Быйыл Кыргызстанда бул жат жазуунун катышуучулары үчүн 70 аянтча ачылды. Негизги, борбордук жай Чыңгыз Айтматов атындагы Орус улуттук драма театрында ачылды. Бул жерде "Жеңиш терезеси" деп аталган дагы бир акция башталып, ал да улуу дата — 9-Майга арналды. Театрдын терезелерине Жеңиш күнгө арналган сүрөттөр илинди. Жакынкы күндөрү бул демилге Кыргызстандын кыйырына жайылмакчы. Тагыраагы, каалаган ар бир киши үйүнүн, иштеген мекеменин терезелерин Жеңиштин символикасы менен кооздоп алса болот.
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
УКМК төрагасы Камчыбек Ташиев Россиянын Кыргызстандагы элчиси Сергей Вакуновду кабыл алды. Бул тууралуу күч структураларындагы маалымат булак кабарлады. Ага ылайык, жолугушууда "Жалданмачылык" беренеси боюнча шектелип кармалгандар, анын ичинде "Русский дом" уюмунун Оштогу кызматкери боюнча кеп болгон. Ишенимдүү булактар билдиргендей, тергөө камалгандардын баш коргоо чарасын үй камагына өзгөртүүнү мүмкүн деп тапкан. Эске салсак, буга чейин Россотрудничествонун Кыргызстандагы өкүлчүлүгүнүн кызматкери Наталья Секерина жана дагы үч адам "Жалданмачылык" беренеси боюнча айыпталып кармалганы кабарланган.
Транспорттук байланыш жана энергиянын кайра жаралуучу булактарын өнүктүрүү ЕАЭБдин экономикасынын локомотиви болушу мүмкүн. Бул тууралуу ЕЭКтин энергетика жана инфраструктура министри Арзыбек Кожошев Бишкектеги "Глобалдык тоо диалогу" эл аралык конференциясында билдирди. Ал тоолуу аймакта жайгашканына карабастан Кыргызстандын экономикасы өсүп жатканын белгилеген. "2024-жылы өлкөнүн ИДПсы 9 пайызга өстү. Бирок тоолуу райондор климаттык тобокелдик, ички миграция сыяктуу жагдайларга туш болууда. Бул мамлекеттик саясатты өзүнчө мамиле менен иштеп чыгууну талап кылат", — деди министр. Кожошев бул багытта Кытай — Кыргызстан — Өзбекстан жана Балыкчы — Кочкор — Макмал темир жолдорунун курулушуна, алыскы аймактар менен аба каттамдарды жандантууга жана энергетика темасына басым жасады.
ЕАЭБ өлкөлөрүнө жасалган Кыргызстандын экспорту 23,5 пайызга өстү. Бул тууралуу Улуттук статистика комитетинен билдиришти. "Бул — былтыркы жылдын ушул мезгилине салыштырылган көрсөткүч. Быйыл январь-февраль айларында республика биримдикке кирген өлкөлөргө 148,9 миллион долларлык продукция саткан", — деп айтылат маалыматта. Республиканын экспортунун 46 пайыздан ашыгы уюмга мүчө өлкөлөргө туура келет.
Куланак ГЭСи 2026-жылы ишке берилерин Энергетика министрлигинен билдиришип, кубаттуулугу 100 мегаватт экенин айтышты. "Нарын дарыясындагы станция жыл сайын 450 миллион киловатт-саатка чейин электр энергиясын иштеп чыкмакчы. Бул электр кубатына болгон ички керектөөнүн бир бөлүгүн канааттандырууга, CASA-1000 долбоорунун алкагында экспорттук милдеттенмелерди аткаруу үчүн кошумча кубаттуулук түзүүгө жардам берет", — деп жазылган маалыматта.Долбоор жалпысынан 124 миллион долларга бааланып, Россия-Кыргыз өнүктүрүү фонду анын 44 миллион долларын каржылаган. ГЭС электр энергиясынын тартыштыгын 18 пайызга кыскартары айтылган.
Өлкөдө VII эл аралык "Жеңиш диктанты" акциясы өттү. Ал Улуу Ата Мекендик согуштагы Жеңиштин 80 жылдыгына арналды. Быйыл Кыргызстанда бул жат жазуунун катышуучулары үчүн 70 аянтча ачылды. Негизги, борбордук жай Чыңгыз Айтматов атындагы Орус улуттук драма театрында ачылды. Бул жерде "Жеңиш терезеси" деп аталган дагы бир акция башталып, ал да улуу дата — 9-Майга арналды. Театрдын терезелерине Жеңиш күнгө арналган сүрөттөр илинди. Жакынкы күндөрү бул демилге Кыргызстандын кыйырына жайылмакчы. Тагыраагы, каалаган ар бир киши үйүнүн, иштеген мекеменин терезелерин Жеңиштин символикасы менен кооздоп алса болот.
