Алыкул акындын "Мой дом" жыйнагына экинчи өмүр берилип, Москвада бет ачары өттү
Алыкул акындын "Мой дом" жыйнагына экинчи өмүр берилип, Москвада бет ачары өттү
Sputnik Кыргызстан
БИШКЕК, 23-апр. — Sputnik. Москва шаарында классик акын Алыкул Осмоновдун кайрадан басылып чыккан "Мой дом" аттуу ырлар жана поэмалар жыйнагынын бет ачары... 23.04.2025, Sputnik Кыргызстан
БИШКЕК, 23-апр. — Sputnik. Москва шаарында классик акын Алыкул Осмоновдун кайрадан басылып чыккан "Мой дом" аттуу ырлар жана поэмалар жыйнагынын бет ачары өттү. Бул туурасында Россиядагы Кыргызстандын элчилигинен кабарлашты.Иш-чара Маргарита Рудомино атындагы Чет элдик адабияттар мамлекеттик китепканасында болду. Поэзия майрамына КРдин РФтеги элчиси Кубанычбек Бөкөнтаев, Бишкектеги Алыкул таануу илим-изилдөө борборунун жана Алыкул Осмоновдун үй-музейинин директору Замирбек Асаналиев, акындын чыгармаларынын котормочусу, орус акыны Михаил Синельников, Россиянын Жазуучулар союзунун өкүлдөрү катышкан. Андан сырткары, Москва шаарындагы кыргыз жана башка улуттардын диаспоралык уюмдарынын өкүлдөрү да келген.Бөкөнтаев Алыкул Осмоновдун чыгармалары мезгил сынынан өткөн достукка, жалпы тарыхый, руханий жана маданий мурастарга жана салттуу баалуулуктарга негизделген кыргыз-россиялык достук мамилелерди бекемдөөгө салым кошконун белгиледи. Чет элдик адабияттар боюнча аталган китепкананын директорунун орун басары Владимир Марков кыргыз адабиятынын көрүнүктүү өкүлү Осмоновдун кайрадан басылып чыккан чыгармалар жыйнагы кыргыз лирика-эпикалык поэзиясынын казынасын азыркы россиялык окурмандарга дагы бир жолу ачып, элдердин ортосундагы достук мамилелерди жана маданий мурастарды мындан ары да чыңдоого салым кошорун айтты.Россиялык акын-жазуучулар өз сөздөрүндө Алыкул акынды терең лирик жана сүрөткер катары, анын туулуп-өскөн жерине, өлкөсүнүн тарыхына болгон сүйүүсү чагылдырылган чыгармаларына токтолушту. Анын кыргыз элинин тилин, каада-салтын, маданиятын жана руханий мурасын өнүктүрүүдө жана сактоодо кошкон баа жеткис ролун бир ооздон белгилешти.Иш-чаранын катышуучуларына акындын өмүрү, чыгармачылыгы жөнүндө даректүү фильм көрсөтүлүп, Михаил Щепкин атындагы Москва мамлекеттик лингвистикалык университеттин студенттери тарабынан акындын ырларынан көркөм окушкан. Кыргыз диаспорасынын музыкалык чыгармачылык өкүлдөрү жана "Керемет" фольклордук тобу классиктин ырларына жазылган ырларды аткарышты.
БИШКЕК, 23-апр. — Sputnik. Москва шаарында классик акын Алыкул Осмоновдун кайрадан басылып чыккан "Мой дом" аттуу ырлар жана поэмалар жыйнагынын бет ачары өттү. Бул туурасында Россиядагы Кыргызстандын элчилигинен кабарлашты.
Иш-чара Маргарита Рудомино атындагы Чет элдик адабияттар мамлекеттик китепканасында болду. Поэзия майрамына КРдин РФтеги элчиси Кубанычбек Бөкөнтаев, Бишкектеги Алыкул таануу илим-изилдөө борборунун жана Алыкул Осмоновдун үй-музейинин директору Замирбек Асаналиев, акындын чыгармаларынын котормочусу, орус акыны Михаил Синельников, Россиянын Жазуучулар союзунун өкүлдөрү катышкан. Андан сырткары, Москва шаарындагы кыргыз жана башка улуттардын диаспоралык уюмдарынын өкүлдөрү да келген.
Бөкөнтаев Алыкул Осмоновдун чыгармалары мезгил сынынан өткөн достукка, жалпы тарыхый, руханий жана маданий мурастарга жана салттуу баалуулуктарга негизделген кыргыз-россиялык достук мамилелерди бекемдөөгө салым кошконун белгиледи. Чет элдик адабияттар боюнча аталган китепкананын директорунун орун басары Владимир Марков кыргыз адабиятынын көрүнүктүү өкүлү Осмоновдун кайрадан басылып чыккан чыгармалар жыйнагы кыргыз лирика-эпикалык поэзиясынын казынасын азыркы россиялык окурмандарга дагы бир жолу ачып, элдердин ортосундагы достук мамилелерди жана маданий мурастарды мындан ары да чыңдоого салым кошорун айтты.
Иш-чара Маргарита Рудомино атындагы Чет элдик адабияттар мамлекеттик китепканасында болду
Россиялык акын-жазуучулар өз сөздөрүндө Алыкул акынды терең лирик жана сүрөткер катары, анын туулуп-өскөн жерине, өлкөсүнүн тарыхына болгон сүйүүсү чагылдырылган чыгармаларына токтолушту. Анын кыргыз элинин тилин, каада-салтын, маданиятын жана руханий мурасын өнүктүрүүдө жана сактоодо кошкон баа жеткис ролун бир ооздон белгилешти.
Иш-чаранын катышуучуларына акындын өмүрү, чыгармачылыгы жөнүндө даректүү фильм көрсөтүлүп, Михаил Щепкин атындагы Москва мамлекеттик лингвистикалык университеттин студенттери тарабынан акындын ырларынан көркөм окушкан. Кыргыз диаспорасынын музыкалык чыгармачылык өкүлдөрү жана "Керемет" фольклордук тобу классиктин ырларына жазылган ырларды аткарышты.
![Москва шаарында классик акын Алыкул Осмоновдун кайрадан басылып чыккан "Мой дом" аттуу ырлар жана поэмалар жыйнагынын бет ачары өттү - Sputnik Кыргызстан](https://sputnik.kg/img/07e9/04/17/1093512138_1:0:1279:719_600x0_80_0_0_db45f1353eb52b386158276fc67d8c0c.jpg "Москва шаарында классик акын Алыкул Осмоновдун кайрадан басылып чыккан "Мой дом" аттуу ырлар жана поэмалар жыйнагынын бет ачары өттү")
