10 өлкө медициналык технологияларын Бишкектеги көргөзмөгө алып келишти
© Sputnik / Жантай Макенов
Жазылуу
БИШКЕК, 2-апр. — Sputnik. Бишкекте MedExpo Kyrgyzstan эл аралык медициналык көргөзмөсү өтүп жатканын Sputnik Кыргызстан агенттигинин маалымат борборуна уюштуруучулар кабарлады.
Көргөзмө Кыргыз мамлекеттик дене тарбия жана спорт академиясында өткөрүлүүдө.
Негизги багыттар:
дарылоо жана диагноз коюу үчүн медициналык техника жана жабдуулар;
фармацевтика жана дары-дармек;
медицинадагы инновациялык технологиялар;
лабораториялык медицина жана тиешелүү жабдуулар;
эстетикалык медицина жана косметология;
стоматология жана коштоочу материалдар;
медициналык материалдар, кийимдер жана гигиена каражаттары;
эне жана бала ден соолугу;
тез жардам жана адистештирилген транспорт;
дени сак жашоо образы жана ооруларды алдын алуу;
медициналык эмеректер жана жабдыктар;
медициналык илим-изилдөө жана окуу жайлар, квалификацияны жогорулатуу, адистештирилген адабияттар жана электрондук басылмалар.
Бул иш-чарага 10 өлкөнүн өкүлдөрү катышууда. Көргөзмө саламаттык сактоо тармагындагы алдыңкы технологиялар жана акыркы жетишкендиктер менен таанышууга, индустриянын алдыңкы өкүлдөрү менен ишкердик байланыштарды түзүүгө, ошондой эле медициналык маркетинг жана менеджмент боюнча актуалдуу маселелерге арналган семинарларга жана мастер-класстарга катышууга мүмкүнчүлүк берет.
2 Чын Куран 2025, 13:59
