Жапаров: 12 жылдык билим берүү системасы артыкчылыгын тастыктаган
Жазылуу
БИШКЕК, 21-мар.— Sputnik. Садыр Жапаров Ош шаарында Нооруз майрамына карата куттуктоо сөзүн сүйлөп жатып 12 жылдык билим берүүгө учкай токтолду.
Ал дүйнөнүн 150дөн ашуун өнүккөн өлкөсү бул система менен билим берип, артыкчылыгын тастыктап келгенин билдирди.
"Мындай шартта биз дүйнө баскан жолго багыт алышыбыз керек. Мурдагыдай түшүнсө-түшүнбөсө да эреже жаттоону таштап, алып жаткан билимин турмушта пайдаланууга, кесипке эрте багыт берүүгө басым жасалууда. Алгач анын күнгөй-тескейин талкуулап, максат, милдеттерин аныктап алдык, тиешелүү жоболорду бекиттик. Билим берүү тармагына материалдык, моралдык, идеологиялык колдоо канча керек болсо, ошончо колдойбуз. Анткени билим алда канча ашык ийгиликтерге жеткирерин баарыбыз билебиз. Билим берүүнү жолго коймоюнча башка тармактардын өнүгүшү кыйын деп так кесе айтам", — деди өлкө башчы.
