Жапаровдун Кытайга сапарынын алкагында 20 документке кол коюлду. Тизме
13:31 05.02.2025 (Жаңыртылды: 13:49 05.02.2025)
© Фото / пресс-служба президента КР
Жазылуу
БИШКЕК, 5-фев. — Sputnik. Президент Садыр Жапаровдун Кытайга жасаган мамлекеттик сапарынын алкагында бир катар документтерге кол коюлду. Бул тууралуу өлкө башчынын маалымат кызматынан билдиришти.
Ага ылайык, сапардын алкагында өлкө башчы Кытай лидери менен жолугуп, жыйынтыгында ар тараптуу стратегиялык өнөктөштүктү тереңдетүү жөнүндө биргелешкен билдирүү кабыл алынган.
Мындан тышкары, бир катар документтерге кол коюлду:
"Бир алкак, бир жол" демилгесинин курулушун жана 2026-жылга чейинки улуттук өнүктүрүү программасын байланыштырып, биргелешип алдыга жылдыруу боюнча кызматташуу программасы;
Социалдык камсыздандыруу жөнүндө макулдашуу;
Сот тутумунун маалыматтык системасын түзүү долбоорунун техникалык-экономикалык негиздемеси боюнча кат алмашуу;
Кыргызстандын лабораториясына жардам көрсөтүү долбоорун ишке ашыруу боюнча кат алмашуу;
Ош шаардык ооруканасына жана президенттик ооруканага медициналык жабдууларды жеткирүү долбоору боюнча кат алмашуу;
Эки өлкөнүн ТИМдер деңгээлинде стратегиялык диалог механизмин түзүү боюнча өз ара түшүнүшүү жөнүндө меморандум;
Эки өлкөнүн топтук туристтик сапарларын жеңилдетүү боюнча өз ара түшүнүшүү жөнүндө меморандум;
Экономикалык өнүгүү жана реформалар жаатында өз ара түшүнүшүү жана кызматташуу жөнүндө меморандум;
Кыргыз-кытай чек арасында көзөмөл-өткөрүү пунктуларынын инфраструктурасын куруу жаатында өнүгүүнү жана кызматташууну илгерилетүү боюнча өз ара түшүнүшүү жөнүндө меморандум;
Кызмат көрсөтүүлөрдү сатуу жана инвестициялар жөнүндө макулдашуу боюнча сүйлөшүүлөрдү баштоо жөнүндө биргелешкен билдирүү;
Санариптик экономика чөйрөсүндөгү кызматташтыкты бекемдөө жөнүндө өз ара түшүнүшүү тууралуу меморандум;
Жасалма интеллект тармагындагы кызматташтыкты кеңейтүү жаатындагы өз ара түшүнүшүү жөнүндө меморандум;
Таза энергетикалык технологияларда колдонулуучу минералдар чөйрөсүндө инвестициялык кызматташтыкты бекемдөө боюнча өз ара түшүнүшүү жөнүндө меморандум;
Кыргызстандан Кытайга төө буурчакты экспорттоодо фитосанитардык талаптар жөнүндө протокол;
Экспорттолуучу жуулган жүнгө жана кашемирге карата инспекциялык, карантиндик жана ветеринардык-санитардык талаптар жөнүндө протокол;
Экспорттолуучу канаттуулардын этине карата инспекциялык, карантиндик жана санитардык талаптар жөнүндө протокол;
Илим жана технология аркылуу жакырчылыкты кыскартуу жаатында кызматташуу жөнүндө өз ара түшүнүшүү жөнүндө меморандум;
Турак-жай жана шаар куруу жаатында кызматташууну чыңдоо боюнча өз ара түшүнүшүү жөнүндө меморандум;
Президентке караштуу Стратегиялык демилгелер улуттук институту менен Кытай Коомдук илимдер академиясынын ортосундагы өз ара түшүнүшүү жөнүндө меморандум;
УТРК менен China Media Group компаниясынын ортосундагы кызматташтыкты тереңдетүү боюнча меморандум;
Нарын облусу менен Кытайдын Хэйлунцзян провинциясынын ортосундагы достук мамилелерди түзүү жана практикалык кызматташууну өнүктүрүү боюнча меморандум.
