Мигранттар, эки жыныс, сөз эркиндиги. Президент Трамптын кеби
00:34 21.01.2025 (Жаңыртылды: 11:12 21.01.2025)
© AP Photo / Chip Somodevilla
Жазылуу
БИШКЕК, 20-янв. — Sputnik. Дональд Трамп Американын алтын доору эми баштала турганын президент катары сүйлөгөн алгачкы сөзүндө билдирди.
Ал "Американы биринчи орунга коёрун" жана өлкө жакында кеңейип, күчтөнөрүн айткан.
"Американын алтын доору эми башталат", - деди Трамп.
Анын кебинин урунттуу учурлары:
АКШда болчу өзгөрүүлөр жакында башталат;
Трамп администрациясынын пландарын ишке ашыруу үчүн 24 саат ичинде каражат чогултуу кампаниясын жарыялады;
АКШнын түштүк чек арасындагы кырдаалга байланыштуу жалпы улуттук өзгөчө кырдаал режимин киргизүүгө убада берди;
АКШга мыйзамсыз киргендерди тезинен токтотуп, миллиондогон мигранттарды мекенине кайтарууну баштай турганын айтты;
анын Ак үйгө кайтып келиши менен "Американын артка кеткени токтой турганын" жар салды;
өлкөдө сөз эркиндигин кайтарууга, мамлекеттик цензураны токтотуу боюнча жарлык чыгарууга убада берди;
мындан ары АКШнын расмий саясатында эки гана жыныс болот — эркек жана аял;
АКШ бардык согуштарды токтотуп, дүйнөгө биримдик алып келерин билдирди;
Марска АКШнын желегин орнотуу үчүн астронавттарды жөнөтөт;
АКШнын аскер күчтөрүнүн көңүлүн Американын душмандарын жеңүүгө коет;
Мексика булуңунун аталышын Америка булуңу деп өзгөртүү жөнүндө жарлыкка кол коюуга ниеттенүүдө;
Панама каналын АКШнын көзөмөлүнө кайтарам деп сес көрсөттү.
