https://sputnik.kg/20241212/bishkekte-ehldin-media-sabattuulugun-zhoyuu-zaryldygy-talkuulandy-1090774596.html
Бишкекте элдин медиа сабаттуулугун арттыруу боюнча стратегия талкууланды
Бишкекте элдин медиа сабаттуулугун арттыруу боюнча стратегия талкууланды
Sputnik Кыргызстан
БИШКЕК, 12-дек. — Sputnik. Ар бир адамдын медиа сабаттуу болуусу замандын талабына айланды. Бул тууралуу маданият, маалымат, спорт жана жаштар иши министринин... 12.12.2024, Sputnik Кыргызстан
2024-12-12T13:05+0600
2024-12-12T13:05+0600
2024-12-12T20:24+0600
кыргызстан
бишкек
медиа
сабаттуулук
марат тагаев
талкуу
маданият
окутуу
технологиялар
https://sputnik.kg/img/07e7/0c/19/1081512264_0:160:3072:1888_1920x0_80_0_0_b9fd552aa593f865299e88641f94b8d0.jpg
БИШКЕК, 12-дек. — Sputnik. Ар бир адамдын медиа сабаттуу болуусу замандын талабына айланды. Бул тууралуу маданият, маалымат, спорт жана жаштар иши министринин орун басары Марат Тагаев медиа сабаттуулук, кастык тили менен күрөшүү жана жалган маалыматка туруштук берүү багытындагы стратегияны талкуулоо учурунда билдирди.Бишкекте өткөн иш-чараны Жамааттык ЖМКлар ассоциациясы уюштурган.Министрдин орун басары XXI кылым жалпы адамзат үчүн, анын ичинде Кыргызстан үчүн да жаңы чакырыктарды шарттаганын, технологиялардын заманында маалымат алуу, маалымат таратуу түп тамырынан бери өзгөргөнүн белгиледи. Тагаевдин айтымында, мурун маалыматты, жаңылыкты радио, телевидениеден кесипкөй журналисттерден гана алып келсек, бүгүнкү күндө мындай мүмкүнчүлүк ар бир адамда бар.Министтрдин орун басары элдин медиа сабаттуулугун арттыруу боюнча мамлекет тарабынан жасалып жаткан иштерге токтолду."Кыска убакытта, акыркы 10 жылда эле кандай гана жалган маалыматтар айтылган жок. Биздин эл мындай адаштырууга каршы. Мамлекет дагы ошол иммунитетти калыптандырууга шарт түзүп жатат. Окутуулар, түшүндүрүү иштери жүргүзүлүшү керек. Жаран кантип медиа сабаттуу болот? Эл медиа сабаттуулук боюнча кайсы булактардан маалымат издей алат? Биринчи кезекте улуттук пресса калыптанышы керек, албетте, пресса бар, бирок бейтарап, анализ жасаган, тарыхты, өтмүштү эскерткен, контекстин ачып берген кызыктуу, сапаттуу материалдарды жасаган пресса болушу керек", — деди аткаминер.Тагаев кастык тили боюнча жүргүзүлгөн изилдөөгө да токтолуп, мында адамдын жеке маданияты чоң мааниге ээ экенин белгиледи."Жаңы технологиялар бизди ушу тапта бир кызыктай абалга кептеди. Мисалы, эки адам телевидение, гезит аркылуу бири-бирине жаман сөз айтпайт, сый, сылык сүйлөйт, анткени экөө тең маданияттуу адамдар. Бирок социалдык тармакка келгенде, ал такыр башка дүйнө да, телефондун артында отуруп алып ар кандай сөздөрдү айта беришет. Мындай материалдар, ошол материалга жазылган комментарийлерди карап, маданиятты, адамдык парасатты сактоо боюнча да иш жүргүзүшүбүз керек экени ачыкталды. Бул дагы жаңы чакырык. Иш жүрүп жатат, көпчүлүктө иммунитет калыптанды, бирок жаштарыбыз үчүн түшүндүрүү иштери жүргүзүлүп, вакцина болушу керек. Ушундай диагноз бар азыр, болгону эл вакцина алышы керек", — деди Тагаев.Жетекчи кайсы бир постко комментарий маданияттуу, сылык жазылышы керектигин белгиледи. Ал ата-бабаларыбыздын чоң цивилизацияга жакын, салттуу-нарктуу болгонун эске салып, ошол жолду улантуу зарыл экенин кошумчалады.
https://sputnik.kg/20241203/zhakynky-chet-olkolordo-internetten-maalymatty-kaysy-tilde-izdeshet-1090586051.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бишкек, медиа, сабаттуулук, марат тагаев, талкуу, маданият, окутуу, технологиялар
кыргызстан, бишкек, медиа, сабаттуулук, марат тагаев, талкуу, маданият, окутуу, технологиялар
БИШКЕК, 12-дек. — Sputnik. Ар бир адамдын медиа сабаттуу болуусу замандын талабына айланды. Бул тууралуу маданият, маалымат, спорт жана жаштар иши министринин орун басары Марат Тагаев медиа сабаттуулук, кастык тили менен күрөшүү жана жалган маалыматка туруштук берүү багытындагы стратегияны талкуулоо учурунда билдирди.
Бишкекте өткөн иш-чараны Жамааттык ЖМКлар ассоциациясы уюштурган.
Министрдин орун басары XXI кылым жалпы адамзат үчүн, анын ичинде Кыргызстан үчүн да жаңы чакырыктарды шарттаганын, технологиялардын заманында маалымат алуу, маалымат таратуу түп тамырынан бери өзгөргөнүн белгиледи. Тагаевдин айтымында, мурун маалыматты, жаңылыкты радио, телевидениеден кесипкөй журналисттерден гана алып келсек, бүгүнкү күндө мындай мүмкүнчүлүк ар бир адамда бар.
"Бул шартта медиа сабаттуулуктун маанилүүлүгү артып, жалган менен чынды, ар кандай манипуляцияларды ажырата билүү зарылдыгы келип чыкты. Бул үчүн ар бир жаран медиа сабаттуу болушу керектиги айкын болуп калды", — деди Тагаев.
Министтрдин орун басары элдин медиа сабаттуулугун арттыруу боюнча мамлекет тарабынан жасалып жаткан иштерге токтолду.
"Кыска убакытта, акыркы 10 жылда эле кандай гана жалган маалыматтар айтылган жок. Биздин эл мындай адаштырууга каршы. Мамлекет дагы ошол иммунитетти калыптандырууга шарт түзүп жатат. Окутуулар, түшүндүрүү иштери жүргүзүлүшү керек. Жаран кантип медиа сабаттуу болот? Эл медиа сабаттуулук боюнча кайсы булактардан маалымат издей алат? Биринчи кезекте улуттук пресса калыптанышы керек, албетте, пресса бар, бирок бейтарап, анализ жасаган, тарыхты, өтмүштү эскерткен, контекстин ачып берген кызыктуу, сапаттуу материалдарды жасаган пресса болушу керек", — деди аткаминер.
Тагаев кастык тили боюнча жүргүзүлгөн изилдөөгө да токтолуп, мында адамдын жеке маданияты чоң мааниге ээ экенин белгиледи.
"Жаңы технологиялар бизди ушу тапта бир кызыктай абалга кептеди. Мисалы, эки адам телевидение, гезит аркылуу бири-бирине жаман сөз айтпайт, сый, сылык сүйлөйт, анткени экөө тең маданияттуу адамдар. Бирок социалдык тармакка келгенде, ал такыр башка дүйнө да, телефондун артында отуруп алып ар кандай сөздөрдү айта беришет. Мындай материалдар, ошол материалга жазылган комментарийлерди карап, маданиятты, адамдык парасатты сактоо боюнча да иш жүргүзүшүбүз керек экени ачыкталды. Бул дагы жаңы чакырык. Иш жүрүп жатат, көпчүлүктө иммунитет калыптанды, бирок жаштарыбыз үчүн түшүндүрүү иштери жүргүзүлүп, вакцина болушу керек. Ушундай диагноз бар азыр, болгону эл вакцина алышы керек", — деди Тагаев.
Жетекчи кайсы бир постко комментарий маданияттуу, сылык жазылышы керектигин белгиледи. Ал ата-бабаларыбыздын чоң цивилизацияга жакын, салттуу-нарктуу болгонун эске салып, ошол жолду улантуу зарыл экенин кошумчалады.
