БИШКЕК, 11-ноя. — Sputnik. Россия президенти Владимир Путин Sputnik агенттигин 10 жылдыгы менен куттуктады.
Өлкө башчы агенттиктин кызматкерлери бул мезгил аралыгында өз милдетин так аткарып келе жатканына токтолгон.
"Жылдар бою сиздердин жамаат — башкы кеңсе менен чет өлкөлөрдөгү корпунктулардын кызматкерлери өздөрүнүн кесиптик милдеттерин сапаттуу, ыкчам жана жоопкерчилик менен аткарып келе жатышат. Эң маанилүү окуяларга көз салып, аудитория менен ишенимдүү жаңылыктарды, терең аналитиканы бөлүшүшөт. Ар дайым текшерилген, объективдүү фактыларга таянышат жана Россиядагы, дүйнөдөгү негизги саясий, экономикалык, социалдык тенденциялар боюнча ар кандай көз караштагы адамдарга трибуна беришет. Сиздерге чыгармачылык ийгилик жана бардык жакшылыктарды каалайм", — деген Путин.
Sputnik (sputniknews.com) ондогон өлкөдө жайгашкан мультимедиалык маалымат хабдары бар маалымат агенттиги жана радиосу 2014-жылы түптөлгөн. Өзүнө 30 тилден ашуун жазылган сайттарды, аналогдук жана санарип радиоберүү, мобилдик тиркеме жана социалдык тармактардагы баракчаларды камтыйт.
