https://sputnik.kg/20241018/frantsiya-timi-rossiya-menen-kuraldanuu-zharyshyna-dayardyk-boyuncha-aytty-1089558586.html
Франция Россия менен куралдануу жарышына даярдыкты баштаганын айтты
Франция Россия менен куралдануу жарышына даярдыкты баштаганын айтты
Sputnik Кыргызстан
"Аскердик программалоо жөнүндөгү мыйзамга" ылайык, француз аскер ведомствосунун бюджети 2025-жылы үч миллиард еврого өсөт. 18.10.2024, Sputnik Кыргызстан
2024-10-18T13:33+0600
2024-10-18T13:33+0600
2024-10-19T16:31+0600
россиянын донбассты коргоо боюнча атайын операциясы
дүйнөдө
франция
атайын операция
россия
куралдануу
эммануэль макрон
https://sputnik.kg/img/102440/05/1024400521_0:0:2282:1284_1920x0_80_0_0_5bb0c6cf6007499bf222950e5dfcd3b0.jpg
БИШКЕК, 18-окт. — Sputnik. Франция аскердик бюджетин арбытып, Россия менен куралдануу жарышына даярдык көрүп жатат. Бул туурасында аталган өлкөнүн ТИМ башчысы Жан-Ноэль Барро айтканын РИА Новости LCI телеканалына таянып жазды. Журналист министрге "Парижди Россиянын темп менен куралданып жатканы түйшөлтпөйбү" деген суроо салып, муну жарыша куралдануу деп атаган.Анын айтымында, "ушул себептен Франция Украинага колдоо көрсөтүү үчүн аскердик, каржылык жана гуманитардык жактан мүмкүн болгон бардык аракеттерди көрүп жатат жана бул канчалык узак жана күч менен жасалбасын, зарыл делген убакытка чейин улантат"."Аскердик программалоо жөнүндөгү мыйзамга" ылайык, француз аскер ведомствосунун бюджети жалпы бюджеттик чыгымдардан улам жаралган кыскартууларга карабастан, 2025-жылы үч миллиард еврого өсөт. Тагыраагы, 50,5 миллиард евро болмокчу.Ведомствонун жетекчиси Себастьян Лекорнюнун айтымында, алдыдагы жыл армияны кайра куралдандыруу багытында чечүүчү жыл болушу керек. Ага 10,6 миллиард евро бөлүнгөн, бул 2024-жылга салыштырмалуу 16 пайызга көп. Өлкөнүн өзөктүк дараметин өнүктүрүү үчүн бюджет сегиз пайызга көбөйүп, жети миллиард еврого жетет.Мурда Лекорню Франциянын Украинага болгон аскердик жардамдары 2024-жылы эки миллиард евродон ашарын билдирген. Ал ошондой эле Киевге убада кылынган учактар 2025-жылдын биринчи кварталында жеткирилерин айтты. Анын айтымында, самолеттор аба-жер деген типтеги жаңы куралдар менен жабдылат. Мындан тышкары, Франция украиналык учкучтар менен механиктерди даярдоону улантып жатканын да эске салды.Франциянын президенти Эммануэль Макрон жакында эле 2,3 миң украиналык аскер машыгуудан өтүп жаткан базага барган. Париж сооттолгон VAB автоунаалары, Caesar гаубицалары жана дөңгөлөктүү AMX-10 танкалары менен толук жабууга ниет кылып жатат.Россия Украинага Батыштын курал-жарак берүүсү кырдаалды жөнгө салбастыгын жана НАТО өлкөлөрүн чатакка катыштырып, "от менен ойноо" болуп жатканын айтып келет. РФ ТИМинин жетекчиси Сергей Лавров Украинага делген жүктүн бардык түрү Россия үчүн мыйзамдуу бутага айланарын эскерткен. Кремль Батыштын Киевди курал-жарак менен жабдуусу орус-украин сүйлөшүүлөрүн улам артка тартып, натыйжасы кесепеттүү болорун да бир нече ирет белгилеген.
https://sputnik.kg/20241018/britaniyada-zelenskiydin-zhenish-plany-boyuncha-kep-boluuda-1089554433.html
франция
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, франция, атайын операция, россия, куралдануу, эммануэль макрон
дүйнөдө, франция, атайын операция, россия, куралдануу, эммануэль макрон
Франция Россия менен куралдануу жарышына даярдыкты баштаганын айтты
13:33 18.10.2024 (Жаңыртылды: 16:31 19.10.2024) "Аскердик программалоо жөнүндөгү мыйзамга" ылайык, француз аскер ведомствосунун бюджети 2025-жылы үч миллиард еврого өсөт.
БИШКЕК, 18-окт. — Sputnik. Франция аскердик бюджетин арбытып, Россия менен куралдануу жарышына даярдык көрүп жатат. Бул туурасында аталган өлкөнүн ТИМ башчысы Жан-Ноэль Барро айтканын
РИА Новости LCI телеканалына таянып жазды.
Журналист министрге "Парижди Россиянын темп менен куралданып жатканы түйшөлтпөйбү" деген суроо салып, муну жарыша куралдануу деп атаган.
"Франция буга даярданып жатат. Аскердик бюджет тууралуу мыйзам армиябызга жайгашуу, кийлигишүү жана коргонуу жөндөмдүүлүктөрүн калыбына келтирүүгө мүмкүнчүлүк берди. Бирок бүгүнкү күндө биздин негизги коргонуу чегибиз кайда? Ал Украинанын түштүгүндө жана чыгышында," — деген Барро.
Анын айтымында, "ушул себептен Франция Украинага колдоо көрсөтүү үчүн аскердик, каржылык жана гуманитардык жактан мүмкүн болгон бардык аракеттерди көрүп жатат жана бул канчалык узак жана күч менен жасалбасын, зарыл делген убакытка чейин улантат".
"Аскердик программалоо жөнүндөгү мыйзамга" ылайык, француз аскер ведомствосунун бюджети жалпы бюджеттик чыгымдардан улам жаралган кыскартууларга карабастан, 2025-жылы үч миллиард еврого өсөт. Тагыраагы, 50,5 миллиард евро болмокчу.
Ведомствонун жетекчиси Себастьян Лекорнюнун айтымында, алдыдагы жыл армияны кайра куралдандыруу багытында чечүүчү жыл болушу керек. Ага 10,6 миллиард евро бөлүнгөн, бул 2024-жылга салыштырмалуу 16 пайызга көп. Өлкөнүн өзөктүк дараметин өнүктүрүү үчүн бюджет сегиз пайызга көбөйүп, жети миллиард еврого жетет.
Мурда Лекорню Франциянын Украинага болгон аскердик жардамдары 2024-жылы эки миллиард евродон ашарын билдирген. Ал ошондой эле Киевге убада кылынган учактар 2025-жылдын биринчи кварталында жеткирилерин айтты. Анын айтымында, самолеттор аба-жер деген типтеги жаңы куралдар менен жабдылат. Мындан тышкары, Франция украиналык учкучтар менен механиктерди даярдоону улантып жатканын да эске салды.
Франциянын президенти Эммануэль Макрон жакында эле 2,3 миң украиналык аскер машыгуудан өтүп жаткан базага барган. Париж сооттолгон VAB автоунаалары, Caesar гаубицалары жана дөңгөлөктүү AMX-10 танкалары менен толук жабууга ниет кылып жатат.
Россия Украинага Батыштын курал-жарак берүүсү кырдаалды жөнгө салбастыгын жана НАТО өлкөлөрүн чатакка катыштырып, "от менен ойноо" болуп жатканын айтып келет. РФ ТИМинин жетекчиси Сергей Лавров Украинага делген жүктүн бардык түрү Россия үчүн мыйзамдуу бутага айланарын эскерткен. Кремль Батыштын Киевди курал-жарак менен жабдуусу орус-украин сүйлөшүүлөрүн улам артка тартып, натыйжасы кесепеттүү болорун да бир нече ирет белгилеген.
