Дем алыш күндөрү кайрадан сел жүрүшү мүмкүн. Аймактардын тизмеси
15:28 23.08.2024 (Жаңыртылды: 15:29 23.08.2024)
© Sputnik / Константин Михальчевский
/ Жазылуу
Катуу жаан жаай турганы айтылды. Айрым аймактарда таш кулашы да ыктымал.
БИШКЕК, 23-авг. — Sputnik. 23-25-август күндөрү туруксуз аба ырайы күтүлүп жатат, катуу жаан жаап, мындан улам сел жүрүп, айрым жерлерде таш кулашы мүмкүн экенин ӨКМ кабарлады.
Министрлик кооптуу аймактардын тизмесин кошо жарыялаган:
Баткендин Лейлек, Баткен, Кадамжай райондору;
Чүйдүн Жайыл, Ысык-Ата, Чүй, Панфилов, Аламүдүн, Москва жана Сокулук райондору;
Нарындын Ак-Талаа жана Нарын району;
Жалал-Абаддын Ала-Бука, Сузак, Базар-Коргон, Ноокен, Чаткал, Тогуз-Торо райондору;
Оштун Кара-Кулжа, Кара-Суу, Өзгөн, Ноокат райондору;
Таластын Бакай-Ата, Манас, Айтматов жана Талас райондору.
Таш кулаары божомолдонгон аймактар:
Бишкек — Ош жолу (221-251,9, 285, 342- 348, 358-362, 400, 411-426 км);
Ош — Сары-Таш — Эркеч-Там (64-65, 68-70, 78-80, 100, 106, 121-124, 133 км);
Бишкек — Балыкчы (112-128 км Боом капчыгайы);
Балыкчы — Бөкөнбаев — Каракол (60-201 км);
Балыкчы — Чолпон-Ата — Каракол (1-43, 65-100);
Талды-Суу — Арал (4-5 км);
Мырзаке — Кара-Шоро (18-28, 32-37, 44-56 км);
Кербен — Ала-Бука — Каныш-Кыя (2-4, 12-13, 22- 24 км);
Ош — Исфана (64-78, 125-138, 149-190 км).
ӨКМ сак болууну эскертти. Өзгөчө кырдаалга күбө болгондор 112 номерине кабарлай алат. Чалуу акысыз.
