Окоева: муниципалдык органдарда бир да аким, губернатор аял жок
© Sputnik / Акбар Акжигитов
Жазылуу
Эмгек, социалдык камсыздоо жана миграция министрлигинин гендердик саясат жана үй-блөлүк зомбулуктан коргоо боюнча чечимдерди даярдоо бөлүмүнүн башчысы Гүлмира Окоева гендердик теңчиликтин сакталбаганына калыптанып калган стереотиптер себеп экенин айтты.
Акыркы учурда бизнесте, мамлекеттик кызматта, гендердик теңчиликте жана үй-бүлөлүк зомбулукта аялдардын укугу корголбой келет. Бул тууралуу Гүлмира Окоева Sputnik Кыргызстан радиосунун эфиринде маек куруп жатып билдирди.
Окоева: муниципалдык органдарда бир да аким, губернатор аял жок
Анын айтымында, адамдардын гендерине карабастан укуктары бирдей болушу керек.
"Кыргызстан калкынын 50,5 пайызын аялдар түзөт. Бүгүнкү күндө коомдо, саясий иштерде өзүлөрүнүн активдүүлүгүн көргөзүп келет. Ошого карабастан бизнесте, мамлекеттик кызматта, гендердик теңчиликте жана үй-бүлөлүк зомбулукта аялдардын укугу корголбой жатат. Гендердик теңчиликте аялдар менен эркектердин укугу бирдей болушу керек. Статистикалык маалыматтарга караганда, Жогорку Кеңеште 90 депутаттын 20сы аял. Бирок бул квотага жетпейт. Ал эми министрлер кабинетинде 17 мүчө болсо, анын үчөө гана аял. Ошондой эле 69 министрдин орун басарынын 12си гана аял кишилер. Муниципалдык органдарда бир да аким, губернатор аял жок. Мурда акимдердин орун басарлары кызматында аялдар да болгон. Тең салмактуулукту сактоо максатында президенттин указы менен 2030-жылга чейин аялдардын лидерлигин колдоо жөнүндөгү мамлекеттик программа иштелип чыккан. Аялдарга арналган иш-чара, окутуулар өтүп, аялдардын резервдик кадры түзүлөт. Быйыл конкурс жарыяланды. Буга чейин резервде турган аялдардын саны 10 пайызды түзсө, жарыядан кийин 30 пайызга жетти. Коомубузда гендердик теңчилик сакталбай жатканына калыптанып калган стереотиптер себеп болууда. Аялдар үйдө отурушу керек, милдети бала төрөө, тарбиялоо жана үйдөгү үй-бүлө мүчөлөрүн кароо ошондой эле тамак жасоо деп басмырланып келет", — деди Окоева.
Ал ошондой эле кыздардын эрте никеге туруусу да гендердик теңчиликтин болушуна тоскоолдук жаратарын кошумчалады.
