Ысыктан кантип сактанабыз? Министрлик кыргызстандыктарга кеңеш берди
![Ысыкта чачыраган суунун жанында турган кыз. Архив Ысыкта чачыраган суунун жанында турган кыз. Архив - Sputnik Кыргызстан, 1920, 27.07.2024](https://sputnik.kg/img/07e8/07/1a/1087366633_0:160:3074:1889_1920x0_80_0_0_adab091dbbc43c3810c5efe36b2f2e26.jpg)
© Sputnik / Максим Блинов
/ Жазылуу
БИШКЕК, 27-июл. — Sputnik. Саламаттык сактоо министрлиги кыргызстандыктарга саратанда ысыктан сактануу боюнча кеңеш берди.
Буга чейин синоптиктер өлкөдө 28-июлга чейин аномалдуу ысык болорун эскерткен.
Адистердин кеңеши:
табигый материалдардан (кебез, жибек, зыгыр буласы) жасалган жеңил кийим кийиңиз;
ачык түстөгү баш кийимсиз сейилдөөгө болбойт;
бетиңизди, башыңызды муздак суу менен чайкап, кол чатыр менен коргонсоңуз болот;
бат-бат таза суу ичип, спирт ичимдиктеринен баш тартыңыз;
күнгө чыккан убактыңызды кыскартууга аракет кылыңыз (саат 11:00дөн 16:00гө чейин). Бул убакта сыртка чыгуу зарыл болсо көлөкөдө жүрүүгө аракет кылыңыз;
коомдук транспортко түшпөгөнгө аракет кылыңыз. Болбосо жүргүнчүлөр аз автоунааны тандаңыз. Транспортто жүргөндө денеңиздин ачык жерлерин нымдуу кол аарчы менен сүртүп, суу ичип туруңуз.