Бийлик өкүлдөрү эки топко бөлүнүп аймактарда эл менен жолугат
13:50 26.07.2024 (Жаңыртылды: 14:20 26.07.2024)
© Пресс-служба президента КР / Султан ДосалиевЛейлек районунун тургундары. Архив
![Лейлек районунун тургундары. Архив Лейлек районунун тургундары. Архив - Sputnik Кыргызстан, 1920, 26.07.2024](https://sputnik.kg/img/07e5/08/1b/1053698347_12:0:2823:1581_1920x0_80_0_0_67a1e47505e58c39c67913af8e931405.jpg)
Жазылуу
БИШКЕК, 26-июл. — Sputnik. Бийлик өкүлдөрү аймактарда эл менен жолугушууларды өткөрөрүн министрлер кабинетинен билдиришти.
Маалыматка ылайык, 1-августтан тартып өкмөт мүчөлөрү эки топко бөлүнүп аймактарды кыдырат.
"Биринчи топту өкмөт башчынын орун басары Адылбек Касымалиев жетектейт. Бул топ Талас, Нарын, Ысык-Көл, Чүй облустарында жана Бишкек шаарында жолугушууларды өткөрмөкчү. Экинчи топ өкмөт башчынын орун басары, айыл чарба министри Бакыт Төрөбаевдин жетекчилигинде Баткен, Ош, Жалал-Абад облустарында жана Ош шаарында эл менен жолугат", — деп айтылат.
Демилге Садыр Жапаровдун тапшырмасы менен ишке ашып жатканы кошумчаланды.