https://sputnik.kg/20240724/ikhsan-shaardyk-sot-zhaza-zhenildedi-1087308198.html
Шаардык сот "Ихсан" турак жай кооперативинин жетекчилеринин жазасын жеңилдетти
Шаардык сот "Ихсан" турак жай кооперативинин жетекчилеринин жазасын жеңилдетти
Sputnik Кыргызстан
Жазасын жалпы режимдеги түзөтүү колониясында өтөшөт. 24.07.2024, Sputnik Кыргызстан
2024-07-24T19:58+0600
2024-07-24T19:58+0600
2024-07-25T09:52+0600
кыргызстан
"ихсан" кооперативи
сот
өкүм
турак жай
кооператив
акинай бекмурзаева
https://sputnik.kg/img/07e4/0c/1a/1050915306_130:0:1608:831_1920x0_80_0_0_43be33e57940666961b59c2dc750a772.jpg
БИШКЕК, 24-июл. — Sputnik. Бишкек шаардык соту биринчи инстанциянын (Биринчи май райондук соту) 2024-жылдын 16-февралындагы "Ихсан" турак жай-курулуш кооперативинин жетекчилигине карата өкүмүн өзгөрттү.Шаардык соттун маалымат кызматы билдиргендей, Кылмыш-жаза кодексинин 77-беренесинин негизинде белгиленген жазаларды жарым-жартылай кошуу менен "Ихсан" кооперативинин жетекчиси Акинай Бекмурзаеванын мүлкү конфискацияланып, 10 жылга эркинен ажыратылды. Мындан тышкары, кызматта иштөөгө үч жылга тыюу салынды. Жазасын жалпы режимдеги түзөтүү колониясында (соттолгон аялдар үчүн колонияда) өтөйт.Белгилей кетсек, 2024-жылдын февраль айында Биринчи май райондук соту Бекмурзаеваны үч жылга белгилүү кызматтарды ээлөө же иш жүргүзүү укугунан ажыратуу менен 12 жылга эркинен ажыраткан. Үй мүлкүн конфискациялоо дагы каралган.Дагы бир соттолуучу, "Ихсан" башкаруучулугунун директорлор кеңешинин төрагасы Эрмат Абылкасымовго карата шаардык сот Кылмыш-жаза кодексинин 77-беренесинин негизинде мүлкүн конфискациялоо менен 9 жылга эркинен ажыратуу өкүмүн чыгарды. Ал жазасын түзөтүү колониясында өтөйт жана үч жыл бою кызматта иштей албайт.Биринчи инстанция февраль айында соттолуучу Абылкасымовду 11 жылга эркинен ажыраткан. Үй мүлкүн конфискациялоо менен үч жыл бою кызматта иштөө укугу чектелген.Маалым болгондой, келтирилген материалдык зыяндын суммасы соттолгон Бекмурзаева менен Абылкасымовдон жана "Ихсан Групп ЛТД" турак жай кооперативинен жабырлануучулардын пайдасына өндүрүлгөн. Келтирилген зыяндын суммасын өндүрүү жөнүндөгү токтом өкүмдүн резолюция бөлүгүнөн чыгарылып, жазанын калган бөлүгү өзгөртүүсүз калтырылды.Эске салсак, Бекмурзаева 2022-жылдын июль айында камакка алынган. Анда Ички иштер министрлиги маалымдагандай, март айынан тарта Кыргызстандын бардык аймактарынан "Ихсан" кооперативине кирген жарандардан арыздар түшө баштаган. Алардын айтымында, кирүү акысын (4-7 пайыз), ошондой эле сатып алынган мүлктүн наркы боюнча баштапкы төлөмдөрдү (25-50 пайыз) төлөшкөн. Бирок унаа да, турак жай да алышкан эмес.2023-жылдын январь айына карата Ички иштер министрлигинин маалыматы боюнча, кооперативдин жетекчилиги тарабынан 121,3 миллион сом өлчөмүндөгү зыяндын орду толтурулган эмес. Буга байланыштуу борбор калаада 10 миң адам 150 миллион долларга алданганын айтып митингдерди өткөрүшкөн.Кооператив жетекчиси 2020-жылдан бери 10 миң адам каражат салганын, эки жылда 3 800 киши турак жай алганын, калгандары кезекте турганын билдирген. Анын айтымында, акча талап кылган 1 400 акционердин 100үнө каражат кайтарылган. Калгандары арыздар көп болгондуктан кезекке турган.
https://sputnik.kg/20240118/iim-ihsan-kooperativ-1082006045.html
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, "ихсан" кооперативи, сот, өкүм, турак жай, кооператив, акинай бекмурзаева
кыргызстан, "ихсан" кооперативи, сот, өкүм, турак жай, кооператив, акинай бекмурзаева
Шаардык сот "Ихсан" турак жай кооперативинин жетекчилеринин жазасын жеңилдетти
19:58 24.07.2024 (Жаңыртылды: 09:52 25.07.2024) Жазасын жалпы режимдеги түзөтүү колониясында өтөшөт.
БИШКЕК, 24-июл. — Sputnik. Бишкек шаардык соту биринчи инстанциянын (Биринчи май райондук соту) 2024-жылдын 16-февралындагы "Ихсан" турак жай-курулуш кооперативинин жетекчилигине карата өкүмүн өзгөрттү.
Шаардык соттун маалымат кызматы билдиргендей, Кылмыш-жаза кодексинин 77-беренесинин негизинде белгиленген жазаларды жарым-жартылай кошуу менен "Ихсан" кооперативинин жетекчиси Акинай Бекмурзаеванын мүлкү конфискацияланып, 10 жылга эркинен ажыратылды. Мындан тышкары, кызматта иштөөгө үч жылга тыюу салынды. Жазасын жалпы режимдеги түзөтүү колониясында (соттолгон аялдар үчүн колонияда) өтөйт.
Белгилей кетсек, 2024-жылдын февраль айында Биринчи май райондук соту Бекмурзаеваны үч жылга белгилүү кызматтарды ээлөө же иш жүргүзүү укугунан ажыратуу менен 12 жылга эркинен ажыраткан. Үй мүлкүн конфискациялоо дагы каралган.
Дагы бир соттолуучу, "Ихсан" башкаруучулугунун директорлор кеңешинин төрагасы Эрмат Абылкасымовго карата шаардык сот Кылмыш-жаза кодексинин 77-беренесинин негизинде мүлкүн конфискациялоо менен 9 жылга эркинен ажыратуу өкүмүн чыгарды. Ал жазасын түзөтүү колониясында өтөйт жана үч жыл бою кызматта иштей албайт.
Биринчи инстанция февраль айында соттолуучу Абылкасымовду 11 жылга эркинен ажыраткан. Үй мүлкүн конфискациялоо менен үч жыл бою кызматта иштөө укугу чектелген.
Маалым болгондой, келтирилген материалдык зыяндын суммасы соттолгон Бекмурзаева менен Абылкасымовдон жана "Ихсан Групп ЛТД" турак жай кооперативинен жабырлануучулардын пайдасына өндүрүлгөн. Келтирилген зыяндын суммасын өндүрүү жөнүндөгү токтом өкүмдүн резолюция бөлүгүнөн чыгарылып, жазанын калган бөлүгү өзгөртүүсүз калтырылды.
Эске салсак, Бекмурзаева 2022-жылдын июль айында камакка алынган. Анда Ички иштер министрлиги маалымдагандай, март айынан тарта Кыргызстандын бардык аймактарынан "Ихсан" кооперативине кирген жарандардан арыздар түшө баштаган. Алардын айтымында, кирүү акысын (4-7 пайыз), ошондой эле сатып алынган мүлктүн наркы боюнча баштапкы төлөмдөрдү (25-50 пайыз) төлөшкөн. Бирок унаа да, турак жай да алышкан эмес.
2023-жылдын январь айына карата Ички иштер министрлигинин маалыматы боюнча, кооперативдин жетекчилиги тарабынан 121,3 миллион сом өлчөмүндөгү зыяндын орду толтурулган эмес. Буга байланыштуу борбор калаада 10 миң адам 150 миллион долларга алданганын айтып митингдерди өткөрүшкөн.
Кооператив жетекчиси 2020-жылдан бери 10 миң адам каражат салганын, эки жылда 3 800 киши турак жай алганын, калгандары кезекте турганын билдирген. Анын айтымында, акча талап кылган 1 400 акционердин 100үнө каражат кайтарылган. Калгандары арыздар көп болгондуктан кезекке турган.
