https://sputnik.kg/20240630/frantsiya-parlamenttik-shayloo-1086552006.html
Францияда өтүп жаткан парламенттик шайлоо тарыхый болуп калышы мүмкүн
Францияда өтүп жаткан парламенттик шайлоо тарыхый болуп калышы мүмкүн
Sputnik Кыргызстан
Франциянын Ички иштер министрлигинин башчысынын айтымында, шайлоо учурунда башаламандыктар жана провокациялар болушу күтүлүүдө. 30.06.2024, Sputnik Кыргызстан
2024-06-30T17:24+0600
2024-06-30T17:24+0600
2024-07-01T12:59+0600
дүйнөдө
франция
добуш берүү
парламент
https://sputnik.kg/img/07e8/06/1e/1086548612_0:0:3254:1830_1920x0_80_0_0_01177ad4b189caad054d905d9ae0e37e.jpg
БИШКЕК, 30-июн. — Sputnik. Францияда Улуттук жыйынга, Франция парламентинин төмөнкү палатасына мөөнөтүнөн мурда шайлоо жүрүп жатат. Бул оңчул "Улуттук бирикме" партиясы үчүн тарыхый жеңиш алып келиши мүмкүн. Бул тууралуу РИА Новости жазды.Өлкөнүн европалык аймагында добуш берүү саат 8:00дөн 18:00гө чейин уланат. Чоң шаарларда шайлоо участкалары шайлоочулардын агымына жараша саат 20:00гө чейин иштеши мүмкүн. Биринчи расмий жыйынтыктар ушул убакыттан кийин жарыяланат.Ошол эле учурда Азия чөлкөмүндөгү Франциянын чет өлкөлөрдөгү аймактарында, анын ичинде Жаңы Каледонияда добуш берүү дээрлик аяктады.Эки турда, 30-июнда жана 7-июлда француздар өлкөнүн парламентинде алардын кызыкчылыгын коргой турган 577 депутатты шайлашы керек.Республиканын тарыхында биринчи жолу шайлоо мынчалык кыска мөөнөттө өтүп жатат. Президент Эммануэль Макрон 9-июнь күнү кечинде парламенттин тараганын жарыялагандан кийин партиялар өз талапкерлерин көрсөтүүгө жана шайлоо өнөктүгүн өткөрүүгө үч жумага жетпеген убактысы болгон.Күрөш үч негизги блоктун ортосунда жүрүп жатат, алардын ар бири жарандардын олуттуу колдоосуна ээ. Акыркы сурамжылоолорго караганда, "Улуттук бирикме" 37 пайыз добуш менен лидерликти сактап калды. Андан кийин 28 пайыз добуш менен солчул "Жаңы элдик фронт" коалициясы, 20 пайызды президенттик "Бирге" коалициясы алды.Ошол эле учурда шайлоочулардын катышуусу 67 пайызды түзүшү мүмкүн, бул 2022-жылдагы парламенттик шайлоого караганда 20 пайызга көп. Ички иштер министрлиги өзү келип добуш бере албаган 2,6 миллион адам жакындарына ишеним катын бергенин каттады, бул рекорддук көрсөткүч болуп саналат.Францияда 9-июндагы Европарламентке шайлоодо оңчул "Улуттук бирикме" партиясы 31,36 пайыз добушка ээ болуп, президент Макрондун тарапташтарынын коалициясынан эки эседен ашык алдыга озуп чыккан. Андан соң Макрон Франция парламентинин төмөнкү палатасы Улуттук ассамблеяны таркатууну жана мөөнөтүнөн мурда парламенттик шайлоону эки турда – 30-июнда жана 7-июлда өткөрөрүн жарыялаган. Франциянын ички иштер министри Жеральд Дарманиндин айтымында, ички чалгындоо кызматы добуш берүү учурунда башаламандыктар жана провокациялар болорун божомолдоодо.
https://sputnik.kg/20240625/makron-putin-menen-dialogdu-ulantmak-1086392847.html
франция
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, франция, добуш берүү, парламент
дүйнөдө, франция, добуш берүү, парламент
Францияда өтүп жаткан парламенттик шайлоо тарыхый болуп калышы мүмкүн
17:24 30.06.2024 (Жаңыртылды: 12:59 01.07.2024) Франциянын Ички иштер министрлигинин башчысынын айтымында, шайлоо учурунда башаламандыктар жана провокациялар болушу күтүлүүдө.
БИШКЕК, 30-июн. — Sputnik. Францияда Улуттук жыйынга, Франция парламентинин төмөнкү палатасына мөөнөтүнөн мурда шайлоо жүрүп жатат. Бул оңчул "Улуттук бирикме" партиясы үчүн тарыхый жеңиш алып келиши мүмкүн. Бул тууралуу
РИА Новости жазды.
Өлкөнүн европалык аймагында добуш берүү саат 8:00дөн 18:00гө чейин уланат. Чоң шаарларда шайлоо участкалары шайлоочулардын агымына жараша саат 20:00гө чейин иштеши мүмкүн. Биринчи расмий жыйынтыктар ушул убакыттан кийин жарыяланат.
Ошол эле учурда Азия чөлкөмүндөгү Франциянын чет өлкөлөрдөгү аймактарында, анын ичинде Жаңы Каледонияда добуш берүү дээрлик аяктады.
Эки турда, 30-июнда жана 7-июлда француздар өлкөнүн парламентинде алардын кызыкчылыгын коргой турган 577 депутатты шайлашы керек.
Республиканын тарыхында биринчи жолу шайлоо мынчалык кыска мөөнөттө өтүп жатат. Президент Эммануэль Макрон 9-июнь күнү кечинде парламенттин тараганын жарыялагандан кийин партиялар өз талапкерлерин көрсөтүүгө жана шайлоо өнөктүгүн өткөрүүгө үч жумага жетпеген убактысы болгон.
Күрөш үч негизги блоктун ортосунда жүрүп жатат, алардын ар бири жарандардын олуттуу колдоосуна ээ. Акыркы сурамжылоолорго караганда, "Улуттук бирикме" 37 пайыз добуш менен лидерликти сактап калды. Андан кийин 28 пайыз добуш менен солчул "Жаңы элдик фронт" коалициясы, 20 пайызды президенттик "Бирге" коалициясы алды.
Ошол эле учурда шайлоочулардын катышуусу 67 пайызды түзүшү мүмкүн, бул 2022-жылдагы парламенттик шайлоого караганда 20 пайызга көп. Ички иштер министрлиги өзү келип добуш бере албаган 2,6 миллион адам жакындарына ишеним катын бергенин каттады, бул рекорддук көрсөткүч болуп саналат.
Францияда 9-июндагы Европарламентке шайлоодо оңчул "Улуттук бирикме" партиясы 31,36 пайыз добушка ээ болуп, президент Макрондун тарапташтарынын коалициясынан эки эседен ашык алдыга озуп чыккан. Андан соң Макрон Франция парламентинин төмөнкү палатасы Улуттук ассамблеяны таркатууну жана мөөнөтүнөн мурда парламенттик шайлоону эки турда – 30-июнда жана 7-июлда өткөрөрүн жарыялаган. Франциянын ички иштер министри Жеральд Дарманиндин айтымында, ички чалгындоо кызматы добуш берүү учурунда башаламандыктар жана провокациялар болорун божомолдоодо.
