Кыргызстандык кыз-келиндер эл аралык билим берүү программасына чакырылууда

© Photo / Unsplash / Daria PimkinaОфисте иштеген аял. Иллюстративдик сүрөт
Офисте иштеген аял. Иллюстративдик сүрөт - Sputnik Кыргызстан, 1920, 14.05.2024
Жазылуу
Эске салсак, өткөн жылы аталган программаны Кыргызстандан жети катышуучу ийгиликтүү аяктаган.
БИШКЕК, 14-май — Sputnik. Жашы 25тен өткөн кыргызстандык кыз-келиндер "Лидер аял — 2024 " эл аралык билим берүү программасына катышса болот. Бул тууралуу Россиянын Бишкектеги илим жана маданият борбору ("Русский дом") маалымдады.
Билдирмеге ылайык, бул программага жалпысынан 175 адам чакырылат. Окутуу ушул жылдын июнь айынан баштап октябрдын аягына чейин уланат. Окуунун экинчи бөлүгү офлайн-форматта Москва шаарында өтөт. Жол кире жана анда жашоо акысын катышуучу өзү төлөйт.
Программага төмөнкүдөй талаптарга жооп берген кыз-келиндер катыша алат:
жогорку же орто кесиптик билими барлар;
учурда жетекчилик кызматта болгондор;
жетекчилик кызматта эки жылдык тажрыйбасы болушу керек;
эл аралык кызматташуу тармагында социалдык маанилүү долбоорлорду ишке ашыруудагы ийгиликтүү тажрыйбасы да болушу керек.
Каалоочулардан билдирмелер 19-майга чейин кабыл алынат. Аны womanleader.rsv.ru сайтына жөнөтүү керек.
Долбоорду "Россия — страна возможностей" коммерциялык эмес уюму, Россотрудничествонун колдоосунда Россия Федералдык жыйынынын Федералдык кеңеши жана КМШ өлкөлөрүнүн Парламенттер аралык ассамблеясы тарабынын уюштурулган Евразия аялдар форумунун кеңеши өткөрүүдө.
Эске салсак, өткөн жылы аталган программаны Кыргызстандан жети катышуучу ийгиликтүү аяктаган.
Рафтинг боюнча турнирге катышып жаткан спортчулар. Архив  - Sputnik Кыргызстан, 1920, 02.05.2024
Кыргызстандыктар Россияда өтчү рафтинг форумуна катыша алат. Жол-жобосу
Жаңылыктар түрмөгү
0