https://sputnik.kg/20240129/zholbun-it-zhanybar-kinolog-agressiya-ke-esh-1082255896.html
Жолбун иттин таландысында калбоо үчүн эмне кылуу керек. Кинологдун түшүндүрмөсү
Жолбун иттин таландысында калбоо үчүн эмне кылуу керек. Кинологдун түшүндүрмөсү
Sputnik Кыргызстан
Адис, башкысы, ызы-чуу салып кыйкырбай, итке корккон түр көрсөтпөй токтоо болуш керектигин айтты. 29.01.2024, Sputnik Кыргызстан
2024-01-29T09:22+0600
2024-01-29T09:22+0600
2024-01-29T09:23+0600
жолбун иттер
жаныбарлар
кинолог
агрессия
кеңеш
россия
https://sputnik.kg/img/103812/53/1038125345_0:0:2938:1654_1920x0_80_0_0_d24c4ccbf25847aa23266098058716da.jpg
БИШКЕК, 29-янв. — Sputnik. Кинолог Виталий Орлов көчөдөгү жолбун ит ажылдап үрүп, кол салууга камынса коргонуу үчүн кандай ыкмаларды пайдалануу керектигин Sputnik радиосуна курган маегинде айтып берди.Адис адегенде ит адамга эмне үчүн кызыгышы мүмкүн деген суроону койгон. Айтымында, жолбун иттерге ары-бери өтөп жатканда тамак-аш, нан бергендер көп эле болот. Андыктан алар ачка кезинде астынан чыккан адамга жакындаса же бир аз сүр көрсөтсө тамак берет деген ишенимде болушу мүмкүн. Мындан тышкары, өздөрүн жүргөн жердин кайтаруучусу, кожоюну деп сезет да, чоочундарды атаандаш катары эсептеген инстинг ойгонушу мүмкүн.Кинолог "жолбун иттер – абдан күчтүү психолог" деп сыпаттаган.Эгерде агрессиясын байкап, жанынан тынч өтүп кеткенге болбой турганын сезсеңиз коопсуз жерде башка адамдарды күтүп турган оң. Кинолог ит алдынан чыга калганда кишилердин кетирген башкы катасы – артын карабай качууга аракет жасаганы экенин белгилеген."Арсылдап үрүп, жаалданып жатса качпаш керек. Такыр эле болбой кол салчудай болуп, башка амал калбай калганда гана тезирээк кетип калганга аракет кылса болот. Себеби иттерге аңчылык кылып, кууганга маш. Ал ашыгып качкандарды көргөндө кууп жеткенге каалоосу күчөйт. Кыйкырып-бакыруу, таяк менен ургулоо анын ажаандыгын ого бетер күчөтөт. Башкысы, жогоруда айтылгандай, токтоолук – коопсуздуктун негизи", – деп түшүндүргөн Орлов.
https://sputnik.kg/20230924/adis-it-tishtep-kuturma-infektsiya-1078863695.html
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жолбун иттер, жаныбарлар, кинолог, агрессия, кеңеш, россия
жолбун иттер, жаныбарлар, кинолог, агрессия, кеңеш, россия
Жолбун иттин таландысында калбоо үчүн эмне кылуу керек. Кинологдун түшүндүрмөсү
09:22 29.01.2024 (Жаңыртылды: 09:23 29.01.2024) Адис, башкысы, ызы-чуу салып кыйкырбай, итке корккон түр көрсөтпөй токтоо болуш керектигин айтты.
БИШКЕК, 29-янв. — Sputnik. Кинолог Виталий Орлов көчөдөгү жолбун ит ажылдап үрүп, кол салууга камынса коргонуу үчүн кандай ыкмаларды пайдалануу керектигин
Sputnik радиосуна курган маегинде айтып берди.
Адис адегенде ит адамга эмне үчүн кызыгышы мүмкүн деген суроону койгон. Айтымында, жолбун иттерге ары-бери өтөп жатканда тамак-аш, нан бергендер көп эле болот. Андыктан алар ачка кезинде астынан чыккан адамга жакындаса же бир аз сүр көрсөтсө тамак берет деген ишенимде болушу мүмкүн. Мындан тышкары, өздөрүн жүргөн жердин кайтаруучусу, кожоюну деп сезет да, чоочундарды атаандаш катары эсептеген инстинг ойгонушу мүмкүн.
Кинолог "жолбун иттер – абдан күчтүү психолог" деп сыпаттаган.
"Эгерде астыңыздан жолбун ит чыкса телефон тиктеп алаксыбай, сак болуу керек. Кокус каап алчудай болуп турса баштык, пакет, зонт, тумак, куртка өңдүү буюмдар менен тиши өтүп кетчү жерлериңизди калкалоого даяр турган оң. Ошол эле учурда коркуп, дүрбөлөңгө түшүп, ызы-чуу салуунун кереги жок. Себеби ит алдында ким турганын эң жакшы сезет. Кишиге тап берип, байкап көрөт. Анын бул амалына алданып калбай, токтоо жана ишенимдүү болуп чочубагандыкты билдирсеңиз жандай салып өтүп кетет", – деген Орлов.
Эгерде агрессиясын байкап, жанынан тынч өтүп кеткенге болбой турганын сезсеңиз коопсуз жерде башка адамдарды күтүп турган оң. Кинолог ит алдынан чыга калганда кишилердин кетирген башкы катасы – артын карабай качууга аракет жасаганы экенин белгилеген.
"Арсылдап үрүп, жаалданып жатса качпаш керек. Такыр эле болбой кол салчудай болуп, башка амал калбай калганда гана тезирээк кетип калганга аракет кылса болот. Себеби иттерге аңчылык кылып, кууганга маш. Ал ашыгып качкандарды көргөндө кууп жеткенге каалоосу күчөйт. Кыйкырып-бакыруу, таяк менен ургулоо анын ажаандыгын ого бетер күчөтөт. Башкысы, жогоруда айтылгандай, токтоолук – коопсуздуктун негизи", – деп түшүндүргөн Орлов.
