А. Жапаров кийинки жылга карата өнүгүүнүн 5 негизги максатын атады
© Фото / пресс-служба кабинета министров КРМинистрлер кабинетинин төрагасы Акылбек Жапаров. Архивдик сүрөт
![Министрлер кабинетинин төрагасы Акылбек Жапаров. Архивдик сүрөт Министрлер кабинетинин төрагасы Акылбек Жапаров. Архивдик сүрөт - Sputnik Кыргызстан, 1920, 03.11.2023](https://sputnik.kg/img/07e6/0a/1f/1069538064_308:518:2542:1775_1920x0_80_0_0_82d94361d8422af525e52066baf36295.jpg)
© Фото / пресс-служба кабинета министров КР
Жазылуу
Жапаров өкмөт соңку үч жылда жеткен ийгиликтер гүлдөп өнүккөн мамлекетти түзүү үчүн бекем база түзүп бергенин айтты.
БИШКЕК, 3-ноя. — Sputnik. Министрлер кабинетинин төрагасы Акылбек Жапаров өлкө бийлиги алдыдагы жылга карата улуттук өнүгүүнүн беш максатын белгиледи.
Ал "Жакырчылык жана теңсиздик" улуттук өнүгүү форумуна катышты.
2024-жылга карата өнүгүү максаттары:
мамлекеттин финансылык башкаруу жана административдик реформа жаатындагы институционалдык потенциалын күчөтүү;
инновациялык өнүгүү жана социалдык бакубаттуулуктун пайдубалы катары билим берүү жана саламаттык сактоо тармактарындагы кызмат көрсөтүүнүн сапатын жогорулатуу;
туруктуу экономикалык өсүштү камсыздап, жумушчу орундарын түзүүгө жардам берген стратегияны иштеп чыгып, кийирүү. Муну менен катар региондорду өнүктүрүүгө өзгөчө көңүл бөлүнөт;
ресурстарды мобилизациялоо, жаңы технологиялар менен билимди өздөштүрүү жана дүйнөлүк финансы рыногуна чыгуу үчүн эл аралык өнөктөштөр менен кызматташууну кеңейтүү. Экспортту көбөйтүүгө жана чет элдик инвестицияны тартууга өзгөчө көңүл бурулат;
экологиялык туруктуулукту өнүктүрүү, глобалдык климаттын өзгөрүшүнүн кесепеттерин жумшартуу.
Жапаров өкмөт соңку үч жылда жеткен ийгиликтер гүлдөп өнүккөн мамлекетти түзүү үчүн жаңы амбициялуу максаттарды коюуга бекем база түзүп бергенин кошумчалады.