Дүйнө үчүн ачык! Орус тили боюнча эл аралык уюмдун иши тууралуу
14:04 25.10.2023 (Жаңыртылды: 15:58 25.10.2023)
© AFP / LEV ROMANOV
Жазылуу
Орус тилин колдоо жана жайылтуу боюнча эл аралык уюмду түзүү келишимине КМШнын 13-октябрда Бишкекте өткөн саммитинде кол коюлган.
БИШКЕК, 25-окт. — Sputnik. Орус тили боюнча эл аралык уюм кандай иштей турганын Sputnik Кыргызстандын маалымат борборунда өткөн брифингде КМШнын Аткаруучу комитетинин гуманитардык кызматташуу, жалпы саясий жана социалдык көйгөйлөр департаментинин директору Алексей Сазонов билдирди.
КМШнын Аткаруучу комитетинин гуманитардык кызматташуу, жалпы саясий жана социалдык көйгөйлөр департаментинин директору Алексей Сазонов
© Sputnik / Аяна Байтемирова
Орус тилин колдоо жана жайылтуу боюнча эл аралык уюмду түзүү келишимине КМШнын 13-октябрда Бишкекте өткөн саммитинде кол коюлган.
Сазонов эмне деди:
уюмду түзүү демилгеси Казакстандын президенти Касым-Жомарт Токаевге таандык. Ал өзүнүн демилгесин франкофония (француз тилин колдоо программасы) менен салыштырып "руссофония" деп атады;
идеянын негизинде методикалык иш, мугалимдерди колдоо гана эмес, орус тилинин позициясын жогорулата турган бардык жагдайлар каралган;
уюм жаш, болочок муунга достук жана өз ара түшүнүшүү тилин сактоого жардам берет. Бирок Токаевдин идеясы андан да терең — "бүтүндөй дүйнөнү бириктирүү";
ратификациядан кийин укуктук база (келишим жана устав) башка мамлекеттерге дагы уюмдун алкагында байкоочу же катышуучу катары иштөөгө жол ачат;
уюмдун башкы кеңсеси Сочиде жайгашат. Документтер ратификациядан өткөндөн кийин (келерки жылдын башында болушу мүмкүн) конференция уюштурулуп, анда штат, структура, биринчи жана экинчи деңгээлдин тапшырмалары талкууланат;
КМШ боюнча өнөктөштөр менен орус тилин колдоо боюнча кызматташууда жаңы деңгээлге чыктык. Бул процесстин келечеги кең.
19 Тогуздун айы 2023, 19:04
