https://sputnik.kg/20231018/madaniyat-arinbasarova-chokmorov-ulan-tasma-taberik-surot-1079599500.html
"Уланды" көркүнө чыгарган Аринбасарова менен Чокморов. Таберик сүрөт
"Уланды" көркүнө чыгарган Аринбасарова менен Чокморов. Таберик сүрөт
Sputnik Кыргызстан
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт. 18.10.2023, Sputnik Кыргызстан
2023-10-18T20:04+0600
2023-10-18T20:04+0600
2023-10-19T11:23+0600
кыргызстан
маданият
наталья аринбасарова
сүймөнкул чокморов
"улан" тасмасы
таберик сүрөт
сүрөт
https://sputnik.kg/img/103549/10/1035491031_0:242:1800:1255_1920x0_80_0_0_d52b4d53bafc13df475470dc1841c9d0.jpg
© Sputnik / Александр ФедоровБелгилүү киноактриса, СССРдин эмгек сиңирген артисти Наталья Аринбасарова менен таланттуу актёр, СССРдин эл артисти Сүймөнкул Чокморовдун сүрөтү 1977-жылы Чолпон-Атада тартылган.Ал жылы атактуу кинорежиссёр, СССРдин эл артисти Төлөмүш Океев "Улан" тасмасын тартып, сүрөттөгү инсандар башкы ролдорду ойногон. Анда Чокморов Азаттын, Аринбасарова анын келинчеги Гүлсаранын образын жараткан.Учурда Россияда жашап жаткан Аринбасарова өзүнүн берген маектеринин биринде ал кезди мындайча эскерген жайы бар."Уландын" басымдуу бөлүгү Чолпон-Ата, Балыкчы шаарларында жаралган.Ал эми Төлөмүш Океев көзү тирүү кезинде Чокморов менен төрт тасмада иштешкенин айткан.Ичкиликке берилип үй-бүлөсү, жумушунан айрылып, соңунда түрмөгө түшкөн адамдын тагдыры баяндалган "Улан" кинофильмине Советбек Жумадылов, Асанкул Куттубаев, Геннадий Базаров, Жамал Сейдакматова, Асанбек Умуралиев катышкан.Картина 1978-жылы Ереванда өткөн Бүткүл союздук XI кинофестивалга катышып, Төлөмүш Океев мыкты режиссёрдук иши жана Сүймөнкул Чокморов эркектин ролун өтөөсүнө чыгара аткаргандыгы үчүн сыйлыкка татыган. Андан сырткары, Ташкенттеги Азия, Африка, Латын Америка өлкөлөрүнүн V эл аралык кинофестивалында ошол эле номинацияларда жеңүүчү болгон.Тема боюнча:
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
кыргызстан, маданият, наталья аринбасарова, сүймөнкул чокморов, "улан" тасмасы, таберик сүрөт, сүрөт, инфографика
кыргызстан, маданият, наталья аринбасарова, сүймөнкул чокморов, "улан" тасмасы, таберик сүрөт, сүрөт, инфографика
"Уланды" көркүнө чыгарган Аринбасарова менен Чокморов. Таберик сүрөт
20:04 18.10.2023 (Жаңыртылды: 11:23 19.10.2023) Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Sputnik / Александр Федоров
Белгилүү киноактриса, СССРдин эмгек сиңирген артисти Наталья Аринбасарова менен таланттуу актёр, СССРдин эл артисти Сүймөнкул Чокморовдун сүрөтү 1977-жылы Чолпон-Атада тартылган.
Ал жылы атактуу кинорежиссёр, СССРдин эл артисти Төлөмүш Океев "Улан" тасмасын тартып, сүрөттөгү инсандар башкы ролдорду ойногон. Анда Чокморов Азаттын, Аринбасарова анын келинчеги Гүлсаранын образын жараткан.
Учурда Россияда жашап жаткан Аринбасарова өзүнүн берген маектеринин биринде ал кезди мындайча эскерген жайы бар.
"Кинофильм мен үчүн аябай оор болуп, психологиялык жактан роль аткаруу кыйынга турган. Ичкиликке берилип кеткен адамдын тагдырын, ыйлаган балдарын көрүү оор эле. Өзүм да көз жашымды төгүп көп ыйлагам. Ошондо Төлөмүш Океевге "сиздин тасмаңызда мен алдыңкы он жылга ыйлап койдум окшойт" десем, ал "анда кийинки тасмаларыңда ыйлабайт экенсиң" деген эле. Кинокартинада кичинекей балдардын да ыйлаган эпизоддору бар. Алар да кичинекей болгонуна карабай чыныгы жашоодогудай ойногон", — деген Аринбасарова.
"Уландын" басымдуу бөлүгү Чолпон-Ата, Балыкчы шаарларында жаралган.
Ал эми Төлөмүш Океев көзү тирүү кезинде Чокморов менен төрт тасмада иштешкенин айткан.
"Мен Сүймөнкул менен "Отко таазим", "Көк серек", "Кызыл алма" жана "Улан" тасмасында иштештим. Аны менен кино тартуу бактылуу көз ирмемдерден болгон. Экөөбүз иш маалында мен жетекчи, сен аткаруучусуң дешпей, тилектеш болуп ынтымакташып иштешчүбүз. Менимче, минтип жакшы досуң, кесиптешиң менен эле иштешүүгө мүмкүн. Мен кыргыз элинен Сүймөнкулдай дүйнө жүзүнө таанымал актёр чыкканына сыймыктанам. Ал кинофестивалдардан төрт жолу эркектин ролун мыкты аткаргандыгы үчүн жогорку сыйлыктарды утуп алган. Актёр катары дүйнөлүк кинематографиянын чоң белеги болчу", — деген Океев.
Ичкиликке берилип үй-бүлөсү, жумушунан айрылып, соңунда түрмөгө түшкөн адамдын тагдыры баяндалган "Улан" кинофильмине Советбек Жумадылов, Асанкул Куттубаев, Геннадий Базаров, Жамал Сейдакматова, Асанбек Умуралиев катышкан.
Картина 1978-жылы Ереванда өткөн Бүткүл союздук XI кинофестивалга катышып, Төлөмүш Океев мыкты режиссёрдук иши жана Сүймөнкул Чокморов эркектин ролун өтөөсүнө чыгара аткаргандыгы үчүн сыйлыкка татыган. Андан сырткары, Ташкенттеги Азия, Африка, Латын Америка өлкөлөрүнүн V эл аралык кинофестивалында ошол эле номинацияларда жеңүүчү болгон.
