Быйыл Кыргызстанда кайсы жерлер газдаштырылат
© Фото / Ярослав Мальцев
Жазылуу
Үйдү көгүлтүр от менен жылытууга өткөрүү Бишкек шаары менен Чүй облусунда жүрөт.
БИШКЕК, 3-авг. — Sputnik. 2023-жылы Бишкек шаары менен Чүй облусунда тогуз конуш менен калк жашаган эки пунктуга газ тартуу пландалууда. Бул туурасында Sputnik Кыргызстандын маалымат борборунда өткөн брифингде "Газпром Кыргызстан" ишканасынын башкы директорунун экономика жана финансы боюнча орун басары Арзымат Алдаяров билдирди.
"Газпром Кыргызстан" ишканасынын башкы директорунун экономика жана финансы боюнча орун басары Арзымат Алдаяров
"2023-жылга 11 объект пландалган. Бишкекте тогуз: Ак-Тилек, Ак-Тилек 2, Ак-Тилек — Турбаза, Ала-Арча, Бакай-Ата, Попеновка, Көк-Жар, Товарная, Төкөлдөш конуштары. Андан сырткары, Чүй облусуна караган Селекция, Новопавловка айылдары", — деди ал.
Алдаяров көчөлөргө тартыла турган 220 чакырым газ бөлүштүрүүчү түтүктүн 70 пайызы жаткырылганын кошумчалады. Октябрда аталган райондордогу абоненттерге көгүлтүр отту туташтыруу иштери башталат.
Бийлик абанын кирдешине каршы жасалган иштердин алкагында бишкектиктерге үйүнө газ менен жылыткан каражаттарды коюуга жеңилдетилген насыя берүүнү пландаган.
