https://sputnik.kg/20230720/tazalyk-ishkana-prokuratura-kylmysh-kelishim-zyyan-1077195168.html
Прокуратура "Тазалыктан" 8 миллион сомдук мыйзам бузуу тапты
Прокуратура "Тазалыктан" 8 миллион сомдук мыйзам бузуу тапты
Sputnik Кыргызстан
Шаардык прокуратура "Тазалык" ишканасына текшерүү жүргүзүп, атайын беш техниканы сатып алууга мыйзамсыз келишим түзүлгөнүн аныктаган. 20.07.2023, Sputnik Кыргызстан
2023-07-20T20:56+0600
2023-07-20T20:56+0600
2023-07-20T21:14+0600
кыргызстан
мп "тазалык"
ишкана
прокуратура
кылмыш
келишим
зыян
https://sputnik.kg/img/07e7/07/14/1077194105_0:287:2048:1439_1920x0_80_0_0_4b895ca2b06c4a058900f912a17e27ee.jpg
БИШКЕК, 20-июл. — Sputnik. Бишкектин муниципалдык "Тазалык" ишканасына атайын техника сатып алууда мамлекетке 8 миллион сом зыян келтирилген. Бул тууралуу Башкы прокуратура билдирди.Маалыматка караганда, шаардык прокуратура "Тазалык" ишканасына текшерүү жүргүзүп, атайын беш техниканы сатып алууга мыйзамсыз келишим түзүлгөнүн аныктаган.Ал эми октябрь айында "Тазалыктын" ошол учурдагы директору К. Н. бул атайын беш техниканы 4,5 миллион сомго кымбаттатып сатып алуу боюнча башка компания менен келишим түзгөн."Кийинки компания техникаларды мөөнөтүнөн кеч алып келген, бирок "Тазалык" ал үчүн айып акчаларды эсептеп, кармап калган эмес. Мунун кесепетинен мамлекетке ири көлөмдөгү – 8 миллион сом зыян келтирилген", — деди Башкы прокуратурадан.Буга байланыштуу Кылмыш жана жаза кодексинин "Кызматынан кыянаттык менен пайдалануу" жана "Атайылап пайдасыз келишимди түзүү" беренелери менен иш козголгон.Маалыматта көрсөтүлгөн К. Н. инициалдары Нурлан Касымов деп болжолдонууда, ал муниципалдык ишкананы 2022-жылдын июль айынан баштап 2023-жылдын январына чейин жетектеген.
https://sputnik.kg/20230720/kutmanova-dolboordu-tuugandaryna-berip-koygon-1077179779.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, мп "тазалык", ишкана, прокуратура, кылмыш, келишим, зыян
кыргызстан, мп "тазалык", ишкана, прокуратура, кылмыш, келишим, зыян
Прокуратура "Тазалыктан" 8 миллион сомдук мыйзам бузуу тапты
20:56 20.07.2023 (Жаңыртылды: 21:14 20.07.2023) Шаардык прокуратура "Тазалык" ишканасына текшерүү жүргүзүп, атайын беш техниканы сатып алууга мыйзамсыз келишим түзүлгөнүн аныктаган.
БИШКЕК, 20-июл. — Sputnik. Бишкектин муниципалдык "Тазалык" ишканасына атайын техника сатып алууда мамлекетке 8 миллион сом зыян келтирилген. Бул тууралуу Башкы прокуратура билдирди.
Маалыматка караганда, шаардык прокуратура "Тазалык" ишканасына текшерүү жүргүзүп, атайын беш техниканы сатып алууга мыйзамсыз келишим түзүлгөнүн аныктаган.
"Муниципалдык ишкананын сынактык комиссиясы 2022-жылдын сентябрь айында рыноктук орточо бааны жана рыноктогу реалдуу бааны изилдебестен атайын беш техниканы 23,3 миллион сомго сатып алууга компаниялардын бири менен келишим түзүүнү чечкен. Кийин бул компания келишим түзүүдөн баш тарткан. "Тазалык" ага 466 миң сом суммасындагы сунуштун кепилдик камсыздоосун мыйзамсыз кайтарып берген", — деп айтылат маалыматта.
Ал эми октябрь айында "Тазалыктын" ошол учурдагы директору К. Н. бул атайын беш техниканы 4,5 миллион сомго кымбаттатып сатып алуу боюнча башка компания менен келишим түзгөн.
"Кийинки компания техникаларды мөөнөтүнөн кеч алып келген, бирок "Тазалык" ал үчүн айып акчаларды эсептеп, кармап калган эмес. Мунун кесепетинен мамлекетке ири көлөмдөгү – 8 миллион сом зыян келтирилген", — деди Башкы прокуратурадан.
Буга байланыштуу Кылмыш жана жаза кодексинин "Кызматынан кыянаттык менен пайдалануу" жана "Атайылап пайдасыз келишимди түзүү" беренелери менен иш козголгон.
Маалыматта көрсөтүлгөн К. Н. инициалдары Нурлан Касымов деп болжолдонууда, ал муниципалдык ишкананы 2022-жылдын июль айынан баштап 2023-жылдын январына чейин жетектеген.
