Жайдын алгачкы күндөрү катуу ысык болобу? Бир жумага карата аба ырайы

© AFP / PHILIPPE HUGUENГрадусник. Архив
Градусник. Архив - Sputnik Кыргызстан, 1920, 28.05.2023
Жазылуу
Бул жума жаанчыл болбойт, күндүн табы 30 градустун тегерегинде сакталат.
БИШКЕК, 28-май — Sputnik. Кыргызгидромет агенттиги алдыдагы аптада өлкө аймагында аба ырайы кандай болору туурасында маалымат берди.
Ага ылайык, борбор калаада жекшембиде күндүз өткүн өтүп, күн күркүрөшү мүмкүн. Ошол бойдон жуманын аягына чейин күн ачык болот.

Чүй облусу

28-29-майда айрым жерлерде өткүн өтөт, 30-майда жаан-чачын күтүлбөйт.
31-майда жана 1-июнда кайрадан тоолуу райондордо өткүн өтүп, дыйканчылык аймактарда күн ачык болот.
2-июнда дагы жаан жаабайт, бирок 3-июнда кээ бир жерлерде өткүн өтүшү ыктымал.

Талас облусу

28-31-май күндөрү облустун аймагында күн ачык болот. Ал эми 1-июнда тоолуу райондордо өткүн өтүп, бирок дыйканчылык аймактарда жаан-чачын болбойт. 2-июнда күн ачылат.
3-июнда айрым жерлерде өткүн өтүп, күн күркүрөйт.

Ош, Жалал-Абад облустары

Синоптиктердин божомолу боюнча, 28-31-майда, 1-июнда тоо этектеринде жана тоолуу райондордо өткүн өтөт. 2-июнда күн ачылып, жаан жаабайт. 3-июнда айрым жерлерде өткүн өтүп, күн күркүрөйт.

Баткен облусу

28-31-майда күн ачык бойдон турат. 1-июнда тоолуу райондорунда өткүн өтөт. 2-июнда жаан-чачын болбойт, 3-июнда айрым жерлерде өткүн өтөт.

Ысык-Көл облусу

28-29-майда айрым жерлерде өткүн өтүп токтойт. 30-майда күн ачык болот, бирок 31-майда жана 1-июнда кээ бир аймактарда өткүн өтөт.
Ал эми 2-июнда жаан-чачын күтүлбөйт. 3-июнда кайрадан айрым жерлерде өткүн өтөт.
Аялдамада отурган адамдар. Архив - Sputnik Кыргызстан, 1920, 16.05.2023
Мээ кайнаткан ысык болобу? Июнь айына карата аба ырайы
Жаңылыктар түрмөгү
0