https://sputnik.kg/20230523/kongress-spikeri-akshnyn-tarykhyndagy-birinchi-defolt-kooptuulugun-eskertti-1075555070.html
Конгресс спикери АКШнын тарыхындагы биринчи дефолт кооптуулугун эскертти
Конгресс спикери АКШнын тарыхындагы биринчи дефолт кооптуулугун эскертти
Sputnik Кыргызстан
Маккарти мамлекеттик карыз боюнча сүйлөшүүлөрдү жүргүзүү зарылдыгын январдын ортосунда эле айтканын белгилеген. 23.05.2023, Sputnik Кыргызстан
2023-05-23T09:49+0600
2023-05-23T09:49+0600
2023-05-23T09:50+0600
дүйнөдө
акш
мамлекеттик карыз
дефолт
жо байден
кризис
https://sputnik.kg/img/07e7/05/17/1075554502_0:102:3072:1830_1920x0_80_0_0_d315759ba133f8b7fd8a64b30fbbdc9a.jpg
БИШКЕК, 23-май — Sputnik. АКШнын президенти Жозеф Байдендин эч кандай чарпаларды көрбөй отура бериши өлкөнүн тарыхындагы биринчи дефолтко алып келиши мүмкүн. Бул туурасында Өкүлдөр палатасынын спикери Кевин Маккартинин айтканын РИА Новости жазды.Мамлекеттик карыз боюнча сүйлөшүүлөрдү жүргүзүү зарылдыгын январдын ортосунда эле айтканын белгилеген. Ага президент кулак салбай, майдын ортосунда гана бул диалог зарылдыгын моюндагандыгын кошумчалаган.Мурдараак Ак үйдүн маалымат катчысы Карин Жан-Пьер Өкүлдөр палатасынын спикеринин командасы мамлекеттик карыздардын көйгөйү боюнча сүйлөшүүлөрдү "артка жылдырган" бир канча сунуштарды киргизди деген билдирүү кылган. АКШнын президенти өзү республикачылардын демилгесин "жөн эле нерсе" деп атап, дефолт болбойт деп кепилдик берүүдөн баш тарткан. Байдендин айтымында, учурдагы каатчылыкты республикачылар жараткан, карызын төлөөгө АКШнын кудурети жетет. Дефолт болсо өлкө экономикасы төмөндөп, Вашингтондун эл аралык аренадагы кадырына доо кетерин белгиледи.Эскерте кетсек, АКШнын финансы министри Конгресске январь айында мамлекеттик карыздын чегинин 31,381 триллион долларга жеткенине байланыштуу "өзгөчө чаралардын" башталышы жөнүндө коңгуроо каккан. Ак үй Конгресстен чекти өйдөлөтүүнү талап кылууда, ал эми республикачылардын оппозициясы көзөмөлдөгөн Эл өкүлдөр палатасы бул кадамды бюджетти кыскартууга байлап жатат. Ал арада финансы министри Жанет Йеллен Конгресс карыз алуунун чегин кеңейтип бербесе АКШ 1-июндан тарта мамлекеттик карызын толугу менен тейлөөгө алы келбей калышы мүмкүн экенин билдирген.
https://sputnik.kg/20230522/aksh-defolttun-bosogosunda-turat-1075530014.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, мамлекеттик карыз, дефолт, жо байден, кризис
дүйнөдө, акш, мамлекеттик карыз, дефолт, жо байден, кризис
Конгресс спикери АКШнын тарыхындагы биринчи дефолт кооптуулугун эскертти
09:49 23.05.2023 (Жаңыртылды: 09:50 23.05.2023) Маккарти мамлекеттик карыз боюнча сүйлөшүүлөрдү жүргүзүү зарылдыгын январдын ортосунда эле айтканын белгилеген.
БИШКЕК, 23-май — Sputnik. АКШнын президенти Жозеф Байдендин эч кандай чарпаларды көрбөй отура бериши өлкөнүн тарыхындагы биринчи дефолтко алып келиши мүмкүн. Бул туурасында Өкүлдөр палатасынын спикери Кевин Маккартинин айтканын
РИА Новости жазды.
"Мамлекеттик карыз боюнча Байдендин дефолтуна 10 күн калды. Ал менин сүйлөшүүлөр керектиги боюнча бир нече жолу жасаган чакырыктарды кулак сыртынан кетирип, жакындап келе жаткан кризисти тоготпой койду. Эч нерсе жасабай отура бергендигинен улам Америка тарыхында биринчи дефолтко кабылуу тобокелдигинде турат", — деген Маккарти.
Мамлекеттик карыз боюнча сүйлөшүүлөрдү жүргүзүү зарылдыгын январдын ортосунда эле айтканын белгилеген. Ага президент кулак салбай, майдын ортосунда гана бул диалог зарылдыгын моюндагандыгын кошумчалаган.
Мурдараак Ак үйдүн маалымат катчысы Карин Жан-Пьер Өкүлдөр палатасынын спикеринин командасы мамлекеттик карыздардын көйгөйү боюнча сүйлөшүүлөрдү "артка жылдырган" бир канча сунуштарды киргизди деген билдирүү кылган. АКШнын президенти өзү республикачылардын демилгесин "жөн эле нерсе" деп атап, дефолт болбойт деп кепилдик берүүдөн баш тарткан.
Байдендин айтымында, учурдагы каатчылыкты республикачылар жараткан, карызын төлөөгө АКШнын кудурети жетет. Дефолт болсо өлкө экономикасы төмөндөп, Вашингтондун эл аралык аренадагы кадырына доо кетерин белгиледи.
Эскерте кетсек, АКШнын финансы министри Конгресске январь айында мамлекеттик карыздын чегинин 31,381 триллион долларга жеткенине байланыштуу "өзгөчө чаралардын" башталышы жөнүндө коңгуроо каккан. Ак үй Конгресстен чекти өйдөлөтүүнү талап кылууда, ал эми республикачылардын оппозициясы көзөмөлдөгөн Эл өкүлдөр палатасы бул кадамды бюджетти кыскартууга байлап жатат. Ал арада финансы министри Жанет Йеллен Конгресс карыз алуунун чегин кеңейтип бербесе АКШ 1-июндан тарта мамлекеттик карызын толугу менен тейлөөгө алы келбей калышы мүмкүн экенин билдирген.
