Төө-Ашуу тоннелиндеги каттам убактылуу чектелди. График

© Фото / пресс-служба МЧС КРТөө-Ашуу тоннели. Архив
Төө-Ашуу тоннели. Архив - Sputnik Кыргызстан, 1920, 18.05.2023
Жазылуу
Бишкек — Ош жолунун башкы тилкесинде автокыймыл күнүнө үч маал чектелип турат. Бул бүгүндөн тарта башталды.
БИШКЕК, 18-май — Sputnik. Төө-Ашуу тоннелиндеги каттам убактылуу чектелгендигин Транспорт жана коммуникациялар министрлигинин маалымат кызматынан кабарлашты.
Кыймылды маал-маалы менен токтотуунун себеби оңдоп-түзөө жана прожекторлордун электр кабелдерин алмаштыруу, дубалдарын актоо жана башка иштер экендигин айтышты.
Бүгүн жолду төмөнкү сааттарда жабуу чечими кабыл алынган:
саат 3:00-5:00 арасы ;
саат 8:00-10:00 арасы;
саат 12:00-14:00 арасы.
Чектөөнүн качан алынары белгисиз. Министрликтен бул туурасына кошумча кабарлай турганын билдиришти. Жолдогу коопсуздукка Жол кыймылы коопсуздугун камсыздоо боюнча башкы башкармалыгынын Чүй облустук бөлүмү көз салып жатат.
Боом капчыгайында таш кулатуу иштери. Архив - Sputnik Кыргызстан, 1920, 14.05.2023
Боом капчыгайында 15-19-майда таш кулатылат
Жаңылыктар түрмөгү
0