Урмат Самаев Токмоктун мэрлигинен кетип, ордуна Максат Нусувалиев келди

© Фото / пресс-служба Жогорку КенешаТокмок шаарынын мэри Урмат Самаев. Архив
Токмок шаарынын мэри Урмат Самаев. Архив - Sputnik Кыргызстан, 1920, 13.05.2023
Жазылуу
Самаев коррупцияга шектелип кармалып, кийин үй камагына чыгарылган.
БИШКЕК, 13-май — Sputnik. Урмат Самаев Токмок шаарынын мэри кызматынан бошотулуп, ордуна Максат Нусувалиев келди. Бул тууралуу президенттин маалымат кызматы кабарлады.
Назначенный директором департамента транспорта и развития дорожно-транспортной инфраструктуры Максат Нусувалиев - Sputnik Кыргызстан, 1920, 13.05.2023
Максат Нусувалиев
Тиешелүү тескемелерге өлкө башчы Садыр Жапаров кол койгон. Самаев иштен кетүү тууралуу өзү арыз жазган.
Белгилей кетсек, Самаев 17-апрелде мамлекетке 25 миллион сомдон ашык зыян келтирген деген шек менен кармалган. Атайын кызмат анын "Токмок жылуулук" муниципалдык ишканасында туруктуу коррупциялык схеманы уюштурууга тиешеси бар экени аныкталганын билдирген.
19-апрелде анын баш коргоо чарасы Октябрь райондук сотунда каралып, 1-июнга чейин УКМКнын тергөө абагына киргизүү чечими чыккан болчу.
Көп өтпөй Октябрь райондук соту үй камагына чыгарган. Жергиликтүү маалымат каражаттары өздүк булактарынын билдиргенине таянып, Самаев күнөөсүн мойнуна алып, компенсация иретинде 25 миллион сом төлөгөндүгүн жазды.
Билим берүү министринин орун басары Надира Жусупбекова. Архив - Sputnik Кыргызстан, 1920, 11.05.2023
Билим берүү министринин орун басары Надира Жусупбекова кызматтан кетти
Жаңылыктар түрмөгү
0