Исаев: Путин Жапаров менен жолукканда өзүнчө тамактануу сунушун киргизди

© Фото / POOL / Медиабанкка өтүүРоссиянын президенти Владимир Путин Кыргызстандын президенти Садыр Жапаров менен Москвада жолугушуу учурунда. Архив
Россиянын президенти Владимир Путин Кыргызстандын президенти Садыр Жапаров менен Москвада жолугушуу учурунда. Архив - Sputnik Кыргызстан, 1920, 11.05.2023
Жазылуу
Жапаровдун Россияга болгон сапары ийгиликтүү болгон.
БИШКЕК, 11-май — Sputnik. Владимир Путин Садыр Жапаров менен болгон жолугушуусунда протоколдон сырткары өзүнчө отуруп тамактануу сунушун киргизди. Бул "эки өлкөнүн мамилеси жакшы" дегенди билдире турганын тышкы иштер министринин орун басары Асеин Исаев Биринчи радиого курган маегинде билдирди.
Анын айтымында, эки өлкө лидерлеринин жолугушуусу өзгөчө болду. Анткени протокол боюнча адегенде тар чөйрөдө — президенттер гана, андан соң делегациянын бардык мүчөлөрү катышкан жалпы жыйын болот.
"Бул жерде Россиянын президенти башкача сунуш кылды. Ал "азыр делегациянын мүчөлөрүн угалы" деди. Көрдүңүзбү, деңгээл кандай? Айыл чарба, экономика, энергетика жаатында өзүнчө сөз болуп, жалгыз эле президенттер эмес, өкмөттүн жыйынындай өттү. Себеби ортодо өтө өнүккөн мамилелер бар", — деди Исаев.
Андан соң Владимир Путин Садыр Жапаровго өзүнчө отуруп тамактануу сунушун киргизгени айтылды. Исаев мындай жагдай Жапаровдун Россияга болгон сапарынын ийгиликтүү болгонун айгинелеп турарын кошумчалады.
КМШ өлкөлөрүнүн президенттери Кремлде бейформал түшкү тамактануу учурунда - Sputnik Кыргызстан, 1920, 10.05.2023
Жапаровдун Кремлде башка президенттер менен чогуу тамактанбаган себеби айтылды
Жаңылыктар түрмөгү
0