Экономист: өкмөт кошумча салык киргизбей эле бюджеттин көлөмүн көтөрө алды
© Sputnik / Асель Сыдыкова
Жазылуу
Экономика илимдеринин доктору, профессор Төлөнбек Абдыров көмүскө экономиканы ачыктоого багытталган иштерди тизмектеди.
Өкмөт кошумча салык киргизбей бюджеттин көлөмүн көтөрө алды. Буга көмүскөдөгү ишкерликти ачыкка чыгаруу жол ачканын Төлөнбек Абдыров Sputnik Кыргызстан радиосуна маек куруп жатып билдирди.
Экономист: өкмөт кошумча салык киргизбей эле бюджеттин көлөмүн көтөрө алды
Анын айтымында, өлкөдө 150 миң ККМге муктаждык бар.
"Өкмөт көмүскө экономиканын үлүшү 30 пайыздын тегерегинде экенин белгилеп келүүдө. Көз карандысыз уюмдар анын үлүшү 60-70 пайызга жетерин айтып келишет. Чындап алганда көмүскө экономиканын үлүшүн аныктоо мүмкүн эмес. Анткен менен мурда 10 миллиард киловатт-саат электр энергия өндүрүлчү. Ал көрсөткүч өсүп, учурда 15 миллиард киловатт-саат электр энергия дагы жетпей жатат. Эгемендүүлүк алгандан кийин өндүрүштүн көпчүлүгү токтоп калган. Ал эми калктын керектөөсү анчалык өсүп кеткен жок. Демек, үйлөрдө ишканалар ачылып жатканын божомолдосок болот. Ошондуктан өкмөт ККМ колдонууну 30 миңден 100 миңге жеткирүү планын койду. Мамлекет ККМди акысыз таратуу менен 60 миңге жеткирип, кошумча салык киргизбегенде эле консолидацияланган бюджеттин көлөмү өстү. Натыйжада түшкөн каражаттын баары маянанын көтөрүлүшүнө, кластерлерди түзүүгө жана башка багытка жумшалууда", — деди Абдыров.
Ошондой эле экономист ишкерлердин арасында салык маданияты калыптана баштаганын кошумчалады.
