Манасчы: жети облуста бир учурда бирдей программадагы концерт коюлат
12:37 01.05.2023 (Жаңыртылды: 14:16 01.05.2023)
© Sputnik / Асель Сыдыкова
Жазылуу
"Манас" театрынын директорунун орун басары, манасчы Нурбек Талантбеков мекеме бюджеттен бөлүнө турган каражаттын көзүн карап отура бербестигин белгиледи.
"Манас" театрынын артисттери жети облуста "Манастын жети дубаны" аталышындагы концерт коёт. Концерт бардык облуста бир убакытта башталат. Бул тууралуу Нурбек Талантбеков Sputnik Кыргызстан радиосуна маек куруп жатып билдирди.
Манасчы: жети облуста бир учурда бирдей программадагы концерт коюлат
Манасчы: жети облуста бир учурда бирдей программадагы концерт коюлат
Анын айтымында, айрым аймактарда билеттер алдын ала сатылып кеткен.
"5-май Конституция күнүнө карата "Манастын жети дубаны" деген аталыштагы атайын концерт өтөт. Ал үчүн театрдын манасчы, төкмө, ырчы, чоорчу, жалпы артисттери жети топко бөлүнүп, ар бир облуска барат. Бардык концерттер 5-майда саат 19:00дө, бир убакытта башталат деген максат коюлууда. "Манас" театрынын иш-чаралары идеологиялык багытта болгондуктан негизинен чыгаша алып келген долбоорлор болууда. Анткен менен бул жолу коммерциялык багытта уюштуруп көрүү мерчемделүүдө. Анткени эл арасында "Манас" угууга, салттуу концертке күбө болууга ынтызар адамдар көбөйгөнү сезилүүдө. Мисалы, Нарын жана Баткендин Кадамжай, Лейлегинде концертке билеттерди алдын ала сатып алып коюшту. Бул аймактарда концерттик залдар 500 орундук. Демек, "ушундай концерттерди коюу менен бирге мекеменин атайын эсебин толтурууга аракет көрсө дагы болот турбайбы" деген ой келүүдө. Бул мыйзамга, мекеменин милдет, максаттарына каршы келбейт", — деди Талантбеков.
Ошондой эле ал түшкөн каражат театрдын материалдык-техникалык базасын чыңдоого жумшаларын кошумчалады.
