ТИМ башчысы Кулубаев АКШ мамкатчысынын жардамчысын кабыл алды

© Фото / пресс-служба МИД КРТышкы иштер министри Жээнбек Кулубаев АКШнын Борбордук жана Түштүк Азия иштери боюнча жардамчысы Дональд Луини регионго жасаган сапарынын алкагында кабыл алды
Тышкы иштер министри Жээнбек Кулубаев АКШнын Борбордук жана Түштүк Азия иштери боюнча жардамчысы Дональд Луини регионго жасаган сапарынын алкагында кабыл алды - Sputnik Кыргызстан, 1920, 24.04.2023
Жазылуу
Министр менен мамкатчынын жардамчысы ар тараптуу кызматташуу үчүн диалогду улантууга кызыкдарлыгын билдиришкен.
БИШКЕК, 24-апр. — Sputnik. Тышкы иштер министри Жээнбек Кулубаев АКШнын Борбордук жана Түштүк Азия иштери боюнча жардамчысы Дональд Луини регионго жасаган сапарынын алкагында кабыл алды. Бул тууралуу ТИМ кабарлады.
Жолугушуунун жүрүшүндө тараптар эки мамлекеттин ортосундагы мамиленин келечегин талкуулап, коопсуздук, жашыл экономика, ошондой эле С5+1 механизминин негизинде кызматташуу тууралуу да кеп кылышкан.
Кулубаев кыргыз тарап эки өлкөнүн ортосунда кызыкчылыктардын эске алынышын жана пайдалуу кызматташууну жактай турганын белгиледи. Өз кезегинде Луи Кыргызстандагы демократиялык институттарды жана жарандык коомду бекемдөөгө колдоо көрсөтө турганын тастыктаган.
Соңунда тараптар ар кыл багыттагы кызматташуу үчүн диалогду улантууга кызыкдарлыгын билдиришти.
Кыргызстандын желеги. Архивдик сүрөт - Sputnik Кыргызстан, 1920, 20.04.2023
Кыргызстанга экономикалык санкция салынышы мүмкүнбү? Адистин жообу
Жаңылыктар түрмөгү
0