https://sputnik.kg/20230412/naryn-militsiyasy-aldamchylykka-shektuunu-karmap-elge-kayryldy-1074376652.html
Алдатсаңар чалгыла. Нарын милициясы алдамчылыкка шектүүнү кармап, элге кайрылды
Алдатсаңар чалгыла. Нарын милициясы алдамчылыкка шектүүнү кармап, элге кайрылды
Sputnik Кыргызстан
Милиция кармаган кишинин сүрөтүн жарыялап, андан жабыр тарткандар болсо кайрылууну айтты. 12.04.2023, Sputnik Кыргызстан
2023-04-12T14:04+0600
2023-04-12T14:04+0600
2023-04-12T14:22+0600
кыргызстан
нарын облусу
мал
кой
айгыр
сатуу
алдамчылык
милиция
кармоо
https://sputnik.kg/img/104125/94/1041259412_0:290:5568:3422_1920x0_80_0_0_7cdff548758f7a3cf3b3d27a844b8e57.jpg
БИШКЕК, 12-апр. — Sputnik. Мал сатып, акчасынын бөлүгүн — 1 115 000 сомун ала албай жүргөн адам арызданып, милицияга кайрылган. Шектүү кармалды. Тартип сакчылар анын сүрөтүн таратып, алданып калгандар болсо Нарын ОИИБге кайрылууну айтышты.Мындан бир нече күн мурда, тагыраагы, 7-мартта Ат-Башы районунун Баш-Кайыңды айылынын 25 жаштагы тургуну милицияга арыз менен кайрылып, акчасын өндүрүп берүүнү суранган. Жабырлануучу былтыр 8-ноябрда мал сатам деп жарыя берген. Үч күндөн кийин Нурлан аттуу киши чалып сүйлөшкөн. 47 баш тай, 16 баш кунан, бир баш айгырын 2 095 000 сомго баалап, акчасын эки күндүн ичинде берем деп жүктөтүп кеткен.Аталган факт Нарын ОИИБдин кылмыштардын бирдиктүү реестрине катталып, Кылмыш-жаза кодексинин 209-беренеси ("Алдамчылык") менен кылмыш иши козголгон.Ыкчам-иликтөө иш-чараларынын жүрүшүндө Нарын ОИИБдин кызматкерлери Чүй облусунун Сокулук районунун тургуну, 34 жаштагы Д.Н. аттуу кишини кармап, тергөө бөлүмүнө жеткирген. Кылмыш-процессуалдык кодексинин 96-беренесине ылайык, шектүү Жазаларды аткаруу кызматынын Нарын шаарында жайгашкан №24 мекемесине камакка алынган. Азыркы учурда тергөө иштери уланууда.Милиция жогорудагы жарандан жабыр тарткандар болсо Нарын ОИИБдин нөөмөт бөлүмүнө (03522) 5-09-21, 0(700) 490-019 номери же күнү-түнү кызматтагы 102 кыска номуруна кайрылууну эскертти.
https://sputnik.kg/20211227/kyrgyzstan-almadchylyk-biznes-dolboor-milliondor-1060782095.html
нарын облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, нарын облусу, мал, кой, айгыр, сатуу, алдамчылык, милиция, кармоо
кыргызстан, нарын облусу, мал, кой, айгыр, сатуу, алдамчылык, милиция, кармоо
Алдатсаңар чалгыла. Нарын милициясы алдамчылыкка шектүүнү кармап, элге кайрылды
14:04 12.04.2023 (Жаңыртылды: 14:22 12.04.2023) Милиция кармаган кишинин сүрөтүн жарыялап, андан жабыр тарткандар болсо кайрылууну айтты.
БИШКЕК, 12-апр. — Sputnik. Мал сатып, акчасынын бөлүгүн — 1 115 000 сомун ала албай жүргөн адам арызданып, милицияга кайрылган. Шектүү кармалды. Тартип сакчылар анын сүрөтүн таратып, алданып калгандар болсо Нарын ОИИБге кайрылууну айтышты.
Мындан бир нече күн мурда, тагыраагы, 7-мартта Ат-Башы районунун Баш-Кайыңды айылынын 25 жаштагы тургуну милицияга арыз менен кайрылып, акчасын өндүрүп берүүнү суранган. Жабырлануучу былтыр 8-ноябрда мал сатам деп жарыя берген. Үч күндөн кийин Нурлан аттуу киши чалып сүйлөшкөн. 47 баш тай, 16 баш кунан, бир баш айгырын 2 095 000 сомго баалап, акчасын эки күндүн ичинде берем деп жүктөтүп кеткен.
"Банк аркылуу 980 000 сомун которуп, калган 1 115 000 сомун ушул күнгө чейин ар кандай шылтоолорду айтып бербей, изин жашырып жүргөн. Натыйжада арыз ээси Т.К. аттуу адамга олуттуу өлчөмдө материалдык зыян келтирилген", — деп айтылат маалыматта.
Аталган факт Нарын ОИИБдин кылмыштардын бирдиктүү реестрине катталып, Кылмыш-жаза кодексинин 209-беренеси ("Алдамчылык") менен кылмыш иши козголгон.
Ыкчам-иликтөө иш-чараларынын жүрүшүндө Нарын ОИИБдин кызматкерлери Чүй облусунун Сокулук районунун тургуну, 34 жаштагы Д.Н. аттуу кишини кармап, тергөө бөлүмүнө жеткирген. Кылмыш-процессуалдык кодексинин 96-беренесине ылайык, шектүү Жазаларды аткаруу кызматынын Нарын шаарында жайгашкан №24 мекемесине камакка алынган. Азыркы учурда тергөө иштери уланууда.
Милиция жогорудагы жарандан жабыр тарткандар болсо Нарын ОИИБдин нөөмөт бөлүмүнө (03522) 5-09-21, 0(700) 490-019 номери же күнү-түнү кызматтагы 102 кыска номуруна кайрылууну эскертти.
27 Бештин айы 2021, 18:43
