Бишкекте жана Чүйдө "элиткалардын" салык төлөбөгөн ээлери аныкталды

© Sputnik / Акылбек БатырбековБишкектин Киев көчөсүн боюндагы турак үйлөр жана административдик имараттар. Архив
Бишкектин Киев көчөсүн боюндагы турак үйлөр жана административдик имараттар. Архив - Sputnik Кыргызстан, 1920, 06.04.2023
Жазылуу
Убагында салык төлөбөгөндөргө айып салынып, туум кошулат.
БИШКЕК, 6-апр. — Sputnik. Мамлекеттик салык кызматы мүлк салыгын төлөбөгөн "элитка" үйлөрүнүн 287 ээсин 10 күн ичинде аныктады. Бул тууралуу ведомстводон билдирди.
Текшерүү Бишкек шаарында жана Чүй облусундагы Аламүдүн районунда, VIP-шаарчада жүргүзүлгөн. 10 күн ичинде 799 турак жай текшерүүгө алынган. Натыйжада 287 үй ээси мүлкүнө салык төлөбөгөнү (3,5 миллион сом) аныкталган. Алардын 109у турак жай болсо, 178и участок.
"Мүлктүн ээлери бюджетке миллиондон ашык сом төлөп беришти", — деп айтылат маалыматта.
Жыл сайын 1-сентябрда турак жайга, участокторго жана огороддорго жер салыгы төлөнөт. Эгер ээси салыкты убагында төлөбөсө негизги суммадан тышкары айып пулду жана ар бир күн үчүн туумду төлөшү керек болот.
Салык декларациясы. Архив - Sputnik Кыргызстан, 1920, 05.04.2023
Салык декларациясын кабыл алуунун II этабы башталды
Жаңылыктар түрмөгү
0