"Ала-Тоо" аянтынын жанына эки мунаралуу 29 кабат имарат курулмакчы. Эскиз
14:17 04.04.2023 (Жаңыртылды: 14:18 04.04.2023)
© Фото / пресс-служба кабинета министров КР / Эргеш Жусубалиев
Жазылуу
Долбоорду бийликке көрсөтүшкөн. Акылбек Жапаров объектини куруу көпкө созулбаш керек деп эсептейт.
БИШКЕК, 4-апр. — Sputnik. Борбор калаанын Киев көчөсүнө бийик эки мунаралуу, 29 кабаттуу имарат куруу пландалууда. Бул туурасында Sputnik Кыргызстанга долбоордун менеджери Нурбек Болатбеков айтып берди.
Көп кабаттуу Ala-Tower комплекси күйүп кеткен мурдагы башкы прокуратуранын имаратынын ордуна куруларын айтышты. "Шаако" ЖЧКсы тоорукта жеңип алып, азырынча аталган жер тилкесин 5 жылга ижарага алган. Аянты — 40 сотых.
1/3
© Фото / пресс-служба кабинета министров КР / Эргеш Жусубалиев
Борбор калаанын Киев көчөсүнө бийик эки мунаралуу, 29 кабаттуу имарат куруу пландалууда
2/3
© Фото / пресс-служба кабинета министров КР / Эргеш Жусубалиев
Көп кабаттуу Ala-Tower комплекси күйүп кеткен мурдагы башкы прокуратуранын имаратынын ордуна куруларын айтышты
!["Шаако" ЖЧКсы тоорукта жеңип алып, азырынча аталган жер тилкесин 5 жылга ижарага алган. Аянты — 40 сотых. - Sputnik Кыргызстан](https://sputnik.kg/img/07e7/04/04/1074134169_0:159:3076:1889_600x0_80_0_0_8d10978da9ff986d9e4d5d148b2fea20.jpg ""Шаако" ЖЧКсы тоорукта жеңип алып, азырынча аталган жер тилкесин 5 жылга ижарага алган. Аянты — 40 сотых.")
3/3
© Фото / пресс-служба кабинета министров КР / Эргеш Жусубалиев
"Шаако" ЖЧКсы тоорукта жеңип алып, азырынча аталган жер тилкесин 5 жылга ижарага алган. Аянты — 40 сотых.
1/3
© Фото / пресс-служба кабинета министров КР / Эргеш Жусубалиев
Борбор калаанын Киев көчөсүнө бийик эки мунаралуу, 29 кабаттуу имарат куруу пландалууда
2/3
© Фото / пресс-служба кабинета министров КР / Эргеш Жусубалиев
Көп кабаттуу Ala-Tower комплекси күйүп кеткен мурдагы башкы прокуратуранын имаратынын ордуна куруларын айтышты
3/3
© Фото / пресс-служба кабинета министров КР / Эргеш Жусубалиев
"Шаако" ЖЧКсы тоорукта жеңип алып, азырынча аталган жер тилкесин 5 жылга ижарага алган. Аянты — 40 сотых.
Эскизди даярдаган архитектор сынакта 27 кишинин ичинен жеңүүчү болгон.
Болатбеков ал жерге көп функциялуу борбор түшөрүн айтты. Аны коммерциялык жайларга ижарага берүү пландалууда, соода түйүндөрү да болушу ыктымал. Бир кабатын музейге беришерин, ал эми жер төлөдө автоунаа токтотуучу жай жайгашарын билдиришти. Кура турган тарап 20 миллион доллар инвестиция кылууга ниеттенип жатканы, бул алдын ала сумма экени маалым болду.
Курулуш иштери уруксат берген тиешелүү документтерди алгандан соң башталмакчы. Чыгыш мунарасы (сол жактагысы) — Ишеналы Арабаев атындагы университет тарапта жайгашканы келечекте жасалчу иш экенин, биринчи иретте батыш мунарасы куруларын билдиришти.
Долбоордун эскизин министрлер кабинетинин жетекчиси Акылбек Жапаров менен Бишкек мэри Эмилбек Абдыкадыровго көрсөтүшкөн.
Жапаров компания бир топ фактыларды, анын ичинен имарат "Ала-Тоо" аянтынын жанында жайгашкандыгын эске алышы керектиги боюнча пикирлерин билдирген.
"Эң башкысы — салына турган имараттын сапаттуулугу жана коопсуздуктун бардык талаптарына жооп бериши. "Ала-Тоо" борбордук аянтына жана ошол тегеректеги жайгашкан башка имараттар менен биргеликте бүтүн бир композицияны түзүп турушу керек, бул биздин борбор шаардын жүзү", — деген Акылбек Жапаров.
Өкмөт башчысы курулуш көпкө созулуп кетпеши керектигин кошумчалаган.
