https://sputnik.kg/20230329/mamakeev-menen-akramovdun-eldeshken-videosu-1073978547.html
42 жылдан соң. Медицина корифейлери Мамакеев менен Акрамовдун элдешкен видеосу
42 жылдан соң. Медицина корифейлери Мамакеев менен Акрамовдун элдешкен видеосу
Sputnik Кыргызстан
Мамакеев жеңилдеп калгандыгын, басып турган оор жүктөн арылганын белгилеген. Эки мыкты хирургдун эмнеге сүйлөшпөй калганы жалпы коомчулукка маалым эмес. 29.03.2023, Sputnik Кыргызстан
2023-03-29T12:06+0600
2023-03-29T12:06+0600
2023-03-29T12:06+0600
кыргызстан
бишкек
чүй облусу
мамбет мамакеев
эрнст акрамов
https://sputnik.kg/img/07e7/03/1d/1073978390_0:0:1280:720_1920x0_80_0_0_7925e58645c5c1aaa5f9d79af7e3e196.jpg
Кыргызстандагы медицина тармагында 60-70 жылдан бери иштеп келе жаткан, эң тажрыйбалуу, корифей хирургдар Мамбет Мамакеев менен Эрнст Акрамов элдешти. Бул тууралуу дарыгер Андрей Сопуев айтып берип, жарашуунун видеосун жарыялаган.Акрамов кирип келгенде Мамакеев "ай, күчүгүм, күчүгүм" деп жакшы көрүп, жүрөгү жылып, аны кучактап жатканы кадрга түшүп калган.Мамакеев азыр 96, ал эми Акрамов 87 жашта.Легендарлуу эки дарыгер, устат-шакирттин жолугушуусунан алынып, чакан кылып даярдалган ирмемдерди бул жерден көрүүгө болот.Алардын 42 жыл мурда эмнеден улам чатакташып сүйлөшпөй калгандыгы азыр жалпы коомчулукка дайын эмес. Муну Мамакеев шакирти Акрамов менен жолугуп жатканда туюгунан айтып, ачыктаган жок.Сопуевдин билдиргенине караганда, Мамакеев бир күн мурда Акрамовго телефон чалган. Андан соң эртеси, 17-мартта, өзү иштеген хирургиялык борборго чакырган. Албетте, Акрамов баш тарткан эмес.Ага жооп кылган Акрамов макулдугун билдирген.Видеодон жүрөк жылыткан учурларды, Мамакеевдин шакирти Акрамовду чекесинен, бетинен сүйүп, кучактаганын көрүүгө болот. Андан соң ал келген коногуна өзү менен иштеген дарыгерлерди тааныштырып чыккан.Аягында Акрамовго калпак кийгизип, чапан жаап, экөөнүн тең улгайып калганын, бардык нерсени унутуш керектигин айткан. 42 жылдан бери жүрөгүнө жүк болуп келе жаткан нерседен арылганын, жеңилдегенин кошумчалаган.Эске салсак, Мамбет Мамакеев хирург болуп 70 жылдан бери иштеп, 30 миңден ашуун операция жасаган. Кыргызстанда хирургия борборун түзүп, дарыгерлердин жоон тобун даярдап, ондогон илимий эмгек жараткан. Хирург азыркыга чейин операция жасайт. Дарыгерге КР Баатыры наамы, II жана III даражадагы Манас ордени ыйгарылган.Эрнст Акрамов 60 жылдан ашуун медицинада, элдин саламаттыгын сактоого эмгек өтөп келет. Меценат. Дарыгерге КР Баатыры наамы ыйгарылган. Хирург азыркыга чейин операция жасап, учурда Чүй облустук ооруканасынын хирургия бөлүмүн жетектеп келет.Тема боюнча:
бишкек
чүй облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, бишкек, чүй облусу, мамбет мамакеев, эрнст акрамов, видео
кыргызстан, бишкек, чүй облусу, мамбет мамакеев, эрнст акрамов, видео
42 жылдан соң. Медицина корифейлери Мамакеев менен Акрамовдун элдешкен видеосу
Мамакеев жеңилдеп калгандыгын, басып турган оор жүктөн арылганын белгилеген. Эки мыкты хирургдун эмнеге сүйлөшпөй калганы жалпы коомчулукка маалым эмес.
Кыргызстандагы медицина тармагында 60-70 жылдан бери иштеп келе жаткан, эң тажрыйбалуу, корифей хирургдар Мамбет Мамакеев менен Эрнст Акрамов элдешти. Бул тууралуу дарыгер Андрей Сопуев айтып берип, жарашуунун видеосун жарыялаган.
Акрамов кирип келгенде Мамакеев "ай, күчүгүм, күчүгүм" деп жакшы көрүп, жүрөгү жылып, аны кучактап жатканы кадрга түшүп калган.
Мамакеев азыр 96, ал эми Акрамов 87 жашта.
Легендарлуу эки дарыгер, устат-шакирттин жолугушуусунан алынып, чакан кылып даярдалган ирмемдерди бул жерден көрүүгө болот.
Алардын 42 жыл мурда эмнеден улам чатакташып сүйлөшпөй калгандыгы азыр жалпы коомчулукка дайын эмес. Муну Мамакеев шакирти Акрамов менен жолугуп жатканда туюгунан айтып, ачыктаган жок.
Сопуевдин билдиргенине караганда, Мамакеев бир күн мурда Акрамовго телефон чалган. Андан соң эртеси, 17-мартта, өзү иштеген хирургиялык борборго чакырган. Албетте, Акрамов баш тарткан эмес.
"Сен дайыма менин эсимде болдуң, менин эң сүйүктүү шакиртим элең, биринчи окуучум. Өткөндү эстебейли, талкуулабайлы. Эстеген да коркунучтуу. Биз эми карып баратабыз. Менин кандай таарынычтарым болгонун сен беш колдой билесиң, мунун баарын унуталы", — деген Мамакеев.
Ага жооп кылган Акрамов макулдугун билдирген.
Видеодон жүрөк жылыткан учурларды, Мамакеевдин шакирти Акрамовду чекесинен, бетинен сүйүп, кучактаганын көрүүгө болот. Андан соң ал келген коногуна өзү менен иштеген дарыгерлерди тааныштырып чыккан.
Аягында Акрамовго калпак кийгизип, чапан жаап, экөөнүн тең улгайып калганын, бардык нерсени унутуш керектигин айткан. 42 жылдан бери жүрөгүнө жүк болуп келе жаткан нерседен арылганын, жеңилдегенин кошумчалаган.
"Мага жүк болуп жүргөн, оюмдагы нерселер чыкты. Мындан ары мурдагыдай эле сүйлөшүп турабыз", — деген Мамакеев.
Эске салсак, Мамбет Мамакеев хирург болуп 70 жылдан бери иштеп, 30 миңден ашуун операция жасаган. Кыргызстанда хирургия борборун түзүп, дарыгерлердин жоон тобун даярдап, ондогон илимий эмгек жараткан. Хирург азыркыга чейин операция жасайт. Дарыгерге КР Баатыры наамы, II жана III даражадагы Манас ордени ыйгарылган.
Эрнст Акрамов 60 жылдан ашуун медицинада, элдин саламаттыгын сактоого эмгек өтөп келет. Меценат. Дарыгерге КР Баатыры наамы ыйгарылган. Хирург азыркыга чейин операция жасап, учурда Чүй облустук ооруканасынын хирургия бөлүмүн жетектеп келет.
