Тургунов: Жаш көрүүчүлөр театры имараты жок аксап келет
© Sputnik / Асель Сыдыкова
Жазылуу
Бакен Кыдыкеева атындагы Мамлекеттик жаш көрүүчүлөр театрынынын жетекчиси Таалайбек Тургунов өкмөттөн 1,3 миллион сом бөлүнүп, театрда техникалык жактан оңдоп-түзөө иштери жүргүзүлгөнүн айтты.
Бакен Кыдыкеева атындагы Жаш көрүүчүлөр театрынын өзүнүн имараты болот. Учурда имарат Улуттук маданий борбордун балансында. Бул тууралуу Таалайбек Тургунов Sputnik Кыргызстан радиосунун эфиринде маек куруп жатып билдирди.
Тургунов: Жаш көрүүчүлөр театры имараты жок аксап келет
Анын айтымында, тиешелүү маселелер чечилип калса Жаш көрүүчүлөр театрынын алдына СССРдин эл артисти Бакен Кыдыкееванын бюсту тургузулмакчы.
"Биз үчүн имарат оор маселе болуп турат. Көбү Жаш көрүүчүлөр театрынын имараты бар деп ойлошот. Бирок биз Улуттук маданий борбордун балансындагы Пионерлер үйүндө чыгармачылыгызбы улантып келебиз. 30 жылдан ашык убакыт ушул имаратты өзүбүз оңдоп, тиешелүү шарт түзүп, спектаклдерди коюп жатабыз. Жакында эле өкмөттөн 1,3 миллион сом бөлүнүп, техникалык жактан оңдоп-түзөө иштерин жүргүзүп алдык. Белгилүү болгондой, 2023-жыл түрк дүйнөсүндө "Бакен Кыдыкеева жылы" деп жарыяланган. Залкар таланттын атын алып жүргөн театр болгондуктан иш-чараларды даярдап жатабыз. Ушуну утурлай министрге кайрылып, имаратты театрдын балансына өткөрүп берүүнү сурандым. Эми тиешелүү документтер каралып, даярдык иштери болууда. Буюрса өлкө башчысынын чечими менен өтүп калса, донорлорду, демөөрчүлөрдү издеп, жакшы даярдап алат элек", — деди Тургунов.
Ошондой эле адис Жаш көрүүчүлөр театрын таанытуу иштерине көңүл буруларын кошумчалады.
