"КамАЗ" Ош шаарына тейлөө борборун ачат

© Sputnik / Максим Богодвид / Медиабанкка өтүү"Камаз" жүк ташуучу унаалары. Архив
Камаз жүк ташуучу унаалары. Архив - Sputnik Кыргызстан, 1920, 28.03.2023
Жазылуу
Май айында адистер калаага келип ылайыктуу жерлерди изилдеп кетишери айтылды.
БИШКЕК, 28-мар. — Sputnik. "КамАЗ" Ош шаарына тейлөө борборун ачат. Бул тууралуу "ВТК КамАЗ" компаниясынын Орто Азия боюнча директору Любовь Тюрина билдирди.
Ал бүгүн кыргыз-орус өкмөттөр аралык комиссиясынын өнөр жай боюнча жумушчу тобунун жыйынында сүйлөдү.

“Ошко тейлөө борборун ачуу пландалууда. Майда биздин адистер шаарга барып ылайыктуу жерлерди изилдеп келишет. Ошондой эле кыргызстандык кесиптештер менен тажрыйба бөлүшөт”, — деди Тюрина.

Ошону менен катар ал Кыргызстанда жакында жүк ташуучу унааны чогултуу иштерин баштоо пландалып жатканын белгиледи.
Эртең, 29-мартта, Бишкекте кыргыз-орус өкмөттөр аралык комиссиянын соода-экономика, илимий-техникалык жана гуманитардык кызматташтык боюнча жыйыны өтөт. Ага министрлер кабинетинин төрагасы Акылбек Жапаров менен Россия өкмөт башчысынын орун басары Алексей Оверчук жетекчилик кылат.
Встреча полномочного представителя президента КР в Ошской области с председателем РКФР - Sputnik Кыргызстан, 1920, 27.03.2023
Жамалдинов Россиядан келген делегация менен Ошко мектеп курууну талкуулады
Жаңылыктар түрмөгү
0