Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

Россия Украинадагы жаңжалды жөнгө салууда ортомчу боло албай турган өлкөлөрдү атады

© Sputnik / Мария ДевахинаМосквадагы Россиянын Тышкы иштер министрлигинин имараты. Архив
Москвадагы Россиянын Тышкы иштер министрлигинин имараты. Архив - Sputnik Кыргызстан, 1920, 21.03.2023
Жазылуу
Министрлик бул мамлекеттер Украинанын Куралдуу күчтөрүнө курал-жарак жөнөтүп, чалгын кызматтарынын маалыматтарын берип, жоокерлерин окутуп, жалданма аскерлерди жиберип жатканын белгиледи.
БИШКЕК, 21-мар. — Sputnik. АКШ, Улуу Британия жана Германия Украина маселеси боюнча тынчтык процессине нейтралдуу ортомчу катары катыша албайт. Алар — Россия менен болгон конфликтинин катышуучулары. Бул тууралуу ТИМ билдиргенин РИА Новости жазды.
Буга чейин коопсуздук боюнча Мюнхен конференциясынын экс-жетекчиси Вольфганг Ишингер “тынчтык процессин” ишке киргизүү үчүн Украина боюнча байланыш тобун түзүүгө чакырган. Анын курамына Вашингтон, Лондон, Париж жана Берлин кириши мүмкүн.

“Бул демилге тууралуу бизге расмий эч нерсе белгисиз. Ошентсе да Ишингердин идеясы экономикалык суроолорду жаратууда. Биринчи кезекте аты аталган төрт мамлекет Украинанын аймагындагы Россия менен болгон конфликтиин катышуучулары болуп эсепетлет”, — дешти ТИМден.

Министрлик бул мамлекеттер Украинанын Куралдуу күчтөрүнө курал жөнөтүп, чалгын кызматтарынын маалыматтарын берип, жоокерлерин окутуп, жалданма аскерлерди жиберип жатканын белгиледи.
“Аталган мамлекеттер Россияга каршы мыйзамсыз санкцияларды салып, чет элдик активдерин блоктоп, россиялык аткаминерлерди жоопко тартууну талап кылып, биздин досторду биз менен кызматташтырбай шантаж кылууда. Алар Зеленскийдин тынчтык жөнүндөгү жалган демилгесин колдоп жатышат”, — деди агенттиктин маектештери.
Россиянын тышкы иштер ведомствосу буга чейин бул мамлекеттер Киевдеги Конституцияга каршы мамлекеттик төңкөрүштү колдоо менен өздөрүн дискредитациялап койгонун белгиледи.

“Мындай аракеттери менен АКШ, Улуу Британия, Франция жана Германия нейтралдуу ортомчулардын катарына кире албайт. Алар абалды жөнгө салууга кызыкдар эмес. Тескерисинче, каршылашууну болушунча узарткылары келип жатат”,— дешти министрликтен.

Москва Украинага Батыштын куралдарын жеткирүү токтотулуп, жаңы аймактар таанылып, Украина демилитаризация жана денацификацияланып, анын нейтралдык статусу бекитилип, Россияга каршы мыйзамсыз санкциялар, соттордогу доо арыздар жокко чыгарылып, орус тилинин статусу калыбына келтирилгенде гана конфликт жөнгө салынышы мүмкүн экенин билдирди.
“Тилекке каршы, ортомчу болгусу келген Батыш мамлекеттери мындайдын бирин да сунуштаган жок”, — деди ТИМ.
Россия конфликтти жөнгө салуу үчүн сүйлөшүүлөргө даяр экенин бир нече ирет билдирген. Бирок Киев ага мыйзам менен тыюу салып койгон.
Кытай Эл Республикасынын (КЭР) төрагасы Си Цзиньпин - Sputnik Кыргызстан, 1920, 21.03.2023
Си Цзиньпин: Москва менен мамилени бекемдөө — Пекиндин стратегиялык тандоосу
Жаңылыктар түрмөгү
0