Дарыгер: тамактын кычышуусу олуттуу оорулардан кабар бериши мүмкүн

© Фото / Pexels / Towfiqu barbhuiya Адам жөтөлүү учурда. Иллюстративдик сүрөт
Адам жөтөлүү учурда. Иллюстративдик сүрөт - Sputnik Кыргызстан, 1920, 16.03.2023
Жазылуу
Тамактын кычышканына маани бербесе дем алуу дагы кыйындап, гайморитке жетиши мүмкүндүгү айтылды.
БИШКЕК, 16-мар. — Sputnik. Тамактын кычышуусу олуттуу оорулардан кабар бериши мүмкүн экендигин кулак, мурун, тамак ооруларын караган дарыгер (ЛОР) Дмитрий Суббота РИА Новости агенттигине берген маегинде айтып берди.
Анын билдиришинче, тамак адатта суук тийгенде кычышат. Бирок адам бир нерсени жутканда дайыма эле тамагы ооруп, кычышса, ал өнөкөт оорудан кабар бериши мүмкүн.
"Эгер мындай симптом эки ай сайын же тез-тезден кайталана берсе, көз жумуп койбош керек. Өзгөчө бул синдромду алып жүргөн фарингит илдети кооптуу, анын айынан мурундун былжыр чели сезгенип, дем алуу начарлайт. Акыры гайморитке алып келиши мүмкүн. Тамак аба кургап кеткенде да кычышат, бирок ден соолугу чың адам мындай нерселерге көп реакция кылбашы керек", — деди дарыгер.
Тамактын кычышуусуна кулак, мурун, тамак ооруларынан сырткары, препараттарды дарыгердин көрсөтмөсү жок ичүү, ашказан илдети, тамак сиңирүү системасындагы көйгөйлөр да себеп.
Лабораторияда иштеп жаткан дарыгер. Архив - Sputnik Кыргызстан, 1920, 15.03.2023
Гинеколог эндометриоз оорусунун кооптуулугун атады
Жаңылыктар түрмөгү
0