Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

ЛЭРде курман болгон теги кыргызстандык жоокердин сөөгү Кара-Балтада жерге берилди

© Sputnik / Акылбек БатырбековЛЭРде курман болгон теги кыргызстандык жоокердин сөөгү Кара-Балтада жерге берилди
ЛЭРде курман болгон теги кыргызстандык жоокердин сөөгү Кара-Балтада жерге берилди - Sputnik Кыргызстан, 1920, 15.03.2023
Жазылуу
ЛЭРде минометтун огунан Кыргызстанда туулган Тимур Гатиятулин каза тапты. Бүгүн Жайыл районунда анын сөөгү жерге берилди.
Тимур Кара-Балтада төрөлүп, ошол жердеги мектепти бүтүргөн. Кийин Россияга көчүп барып, жарандык алып Ямало-Ненецкий автономдуу округунун Ноябрьск шаарында жашаган. Эмерек фабрикасында иштеген. Өткөн жылдын ноябрь айында Аба-десанттык аскерлердин катарына сапер кызматына чакыртылган. Тимурдун агасы Рафаэль Гариповдун айтымында, ал аскердик кызмат өтөө боюнча келишим түзгөн, майда кайтып келиши керек болчу.
“Энеси менен туугандарын кайгыртпаш үчүн Украинага талкаланган үйлөрдү калыбына келтирүү иштерин аткаруу үчүн кетип жатканын айтыптыр. Күрөш курчуп турган жерде кызмат өтөп жатканын кийин гана билдик. Акыркы жолу мен аны менен 10-январда сүйлөшкөм. Баары жакшы деген болчу. Беш күндөн кийин анын тобу аткылоого туш болгонун билдик. Тимур жана анын жанындагы аскер набыт болгон. Алардын сөөктөрү бирден чогултулду. Кимдин ким экенин аныктоого эки айдай убакыт кетти. Алардын арасында Тимур жок болсо керек деп абдан үмүттөндүк. ДНКнын анализи тастыктап отурат... Россияда анын эч кимиси жок. Ошондуктан сөөгүн бул жакка коюуну чечтик”, - деди ал.
Гатиятулинди акыркы сапарга узатуу зыйнатына туугандары, достору, аскер комиссариаты менен Россия элчилигинин өкүлдөрү келди. Тимурдун мугалими Вера Ивановна Колягина да коштошуу зыйнатына катышып, окуучусу чыгармачыл адам болгонун билдирди.
“Тимур кичине кезинде эле жаркылдаган адам эле. Мындай адамдарды колунан баары келет деп коюшат. Ал сүрөттү мыкты тартчу”, - деди педагог.
Өткөн жылдын март айында дагы бир жоокердин, 26 жаштагы Рустам Зарифуллиндин сөөгү Кара-Балтада коюлган.
Жоокер. Архив - Sputnik Кыргызстан, 1920, 12.01.2023
Россиянын Донбассты коргоо боюнча атайын операциясы
УКМК Украинада согуштук аракеттерге катышкан кыргызстандыкты кармады. Сүрөт
Жаңылыктар түрмөгү
0