https://sputnik.kg/20230315/mamlekettik-ishmer-abdy-suerkulovdun-110-zhyldygy-1073602765.html
"Улуттун сүйгөн инсаны". Абды Сүйөркуловго арналган көргөзмө уюштурулууда
"Улуттун сүйгөн инсаны". Абды Сүйөркуловго арналган көргөзмө уюштурулууда
Sputnik Кыргызстан
Улуттук тарых музейинде Абды Сүйөркуловдун бейнесине арналган туруктуу экспозиция түптөлдү. 15.03.2023, Sputnik Кыргызстан
2023-03-15T14:46+0600
2023-03-15T14:46+0600
2023-03-15T14:46+0600
кыргызстан
абды сүйөркулов
мамлекеттик ишмер
дипломатиялык ишмер
жетекчи
https://sputnik.kg/img/07e6/06/0c/1065161301_0:0:2729:1535_1920x0_80_0_0_3c3545682b6db7a65b7da89051cd2d2d.jpg
БИШКЕК, 15-мар. — Sputnik. Коомдук жана мамлекеттик, партиялык ишмер Абды Сүйөркуловдун 110 жылдыгын белгилөөнүн алкагында бүгүн "Улуттун сүйгөн инсаны" аттуу көргөзмө ачылды.Улуттук тарых музейинде Абды Сүйөркуловдун бейнесине арналган туруктуу экспозиция түптөлдү.Абды Сүйөркулов 1912-жылы 12-декабрда Жалал-Абад облусундагы Торкен айылында кедей дыйкандын үй-бүлөсүндө жарык дүйнөгө келген. Фрунзедеги соода жана контролдук мектепте билим алып, 1930-жылы Ташкент шаарындагы жогорку окуу жайга даярдоо курсунан өтүп, Москвадагы пландык экономика институтун кыска убакытта аяктаган.30-жылдары Кыргыз ССРинин көптөгөн райондорунда каржы, салык, чарба бөлүмдөрүндө түрдүү кызматтарды аркалаган. Мындан сырткары, колхоз жетекчиси, райондук, облустук аткаруу комитеттеринин төрагасы өңдүү тепкичтерди басып өткөн.Сүйөркулов 29 жашында Кыргызстан коммунисттик партиясынын Борбордук комитетинин биринчи катчысы, 37 жашында Кыргыз ССРинин өкмөтүн башкарган.Эгерде анын эмгек жолуна кененирээк токтолсок, 1946-жылы Москвадагы Жогорку партиялык мектепти аяктап, үч жылдай Кыргыз ССРинин Жогорку Советинин төрагасы болгонун окуйбуз. Көп өтпөй Сүйөркулов Министрлер кеңешинин төрагалыгына дайындалып, сегиз жылдай иштейт, андан кийин он жылдай Соода министрлигин башкарган. Бул мезгил аралыгында өкмөт башчысы Улуттук илимдер академиясын, Опера жана балет театрын, Кыргыз мамлекеттик университетин ишке берип, Бишкек — Ош унаа жолун салуу чечимин кабыл алган. Анын демилгеси менен Бишкек шаарындагы азыркы Касымалы Баялинов атындагы китепкана, борбор калаадагы ат майдан, бир катар өнөр жай ишканалары курулган.Жогорку мамлекеттик сыйлыктардын ээси пенсияга чыккандан кийин да Фрунзедеги "Элдик чарбанын жетишкендиктери" көргөзмөсүнүн директору болуп тогуз жылдай башкарган.Абды Сүйөркулов 1992-жылы 80 жаш курагында бул дүйнө менен кош айтышкан.
https://sputnik.kg/20221130/diplomat-ishenbaj-abdurazakov-surot-turmok-1070515759.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, абды сүйөркулов, мамлекеттик ишмер, дипломатиялык ишмер, жетекчи
кыргызстан, абды сүйөркулов, мамлекеттик ишмер, дипломатиялык ишмер, жетекчи
"Улуттун сүйгөн инсаны". Абды Сүйөркуловго арналган көргөзмө уюштурулууда
Улуттук тарых музейинде Абды Сүйөркуловдун бейнесине арналган туруктуу экспозиция түптөлдү.
БИШКЕК, 15-мар. — Sputnik. Коомдук жана мамлекеттик, партиялык ишмер Абды Сүйөркуловдун 110 жылдыгын белгилөөнүн алкагында бүгүн "Улуттун сүйгөн инсаны" аттуу көргөзмө ачылды.
Улуттук тарых музейинде Абды Сүйөркуловдун бейнесине арналган туруктуу экспозиция түптөлдү.
Абды Сүйөркулов 1912-жылы 12-декабрда Жалал-Абад облусундагы Торкен айылында кедей дыйкандын үй-бүлөсүндө жарык дүйнөгө келген. Фрунзедеги соода жана контролдук мектепте билим алып, 1930-жылы Ташкент шаарындагы жогорку окуу жайга даярдоо курсунан өтүп, Москвадагы пландык экономика институтун кыска убакытта аяктаган.
30-жылдары Кыргыз ССРинин көптөгөн райондорунда каржы, салык, чарба бөлүмдөрүндө түрдүү кызматтарды аркалаган. Мындан сырткары, колхоз жетекчиси, райондук, облустук аткаруу комитеттеринин төрагасы өңдүү тепкичтерди басып өткөн.
Сүйөркулов 29 жашында Кыргызстан коммунисттик партиясынын Борбордук комитетинин биринчи катчысы, 37 жашында Кыргыз ССРинин өкмөтүн башкарган.
Эгерде анын эмгек жолуна кененирээк токтолсок, 1946-жылы Москвадагы Жогорку партиялык мектепти аяктап, үч жылдай Кыргыз ССРинин Жогорку Советинин төрагасы болгонун окуйбуз. Көп өтпөй Сүйөркулов Министрлер кеңешинин төрагалыгына дайындалып, сегиз жылдай иштейт, андан кийин он жылдай Соода министрлигин башкарган. Бул мезгил аралыгында өкмөт башчысы Улуттук илимдер академиясын, Опера жана балет театрын, Кыргыз мамлекеттик университетин ишке берип, Бишкек — Ош унаа жолун салуу чечимин кабыл алган. Анын демилгеси менен Бишкек шаарындагы азыркы Касымалы Баялинов атындагы китепкана, борбор калаадагы ат майдан, бир катар өнөр жай ишканалары курулган.
Жогорку мамлекеттик сыйлыктардын ээси пенсияга чыккандан кийин да Фрунзедеги "Элдик чарбанын жетишкендиктери" көргөзмөсүнүн директору болуп тогуз жылдай башкарган.
Абды Сүйөркулов 1992-жылы 80 жаш курагында бул дүйнө менен кош айтышкан.
30 Жетинин айы 2022, 17:08
