https://sputnik.kg/20230314/abirov-katyshkan-mushtash-deputat-kechirim-1073569952.html
Абиров катышкан мушташ: депутат Алимжанов досунун жоругу үчүн кечирим сурады
Абиров катышкан мушташ: депутат Алимжанов досунун жоругу үчүн кечирим сурады
Sputnik Кыргызстан
Эл өкүлү досун коргоп жатканы үчүн ага карата жаман сөздөр айтылышы мүмкүндүгүн, буга ар бир адамдын акысы бар экенин белгиледи. 14.03.2023, Sputnik Кыргызстан
2023-03-14T12:41+0600
2023-03-14T12:41+0600
2023-03-14T12:59+0600
кыргызстан
бишкек
жаныбек абиров
мушташ
депутат
фарходбек алимжанов
https://sputnik.kg/img/07e7/03/0e/1073570303_0:134:2784:1700_1920x0_80_0_0_7a382265bed2c8ed5264b269bc8117f4.jpg
БИШКЕК, 14-мар. – Sputnik. Жогорку Кеңештин депутаты Фархад Алимжанов мушташка катышкан кесиптеши, досу Жаныбек Абировдун жоругу үчүн жабырлануучунун жакындарынан жана элден кечирим сурады. Ал мындай пикирин соцтармакка жазды.Эл өкүлү досун коргоп жатканы үчүн ага карата жаман сөздөр айтылышы мүмкүндүгүн, буга ар бир адамдын акысы бар экенин белгиледи."Бирок мен айкөл элибиз андай нерседен жогору туруп, гумандуулук кыларына ишенем. Биздин досубуз Жаныбек мырзанын өлкөнү өнүктүрүүгө багытталган чоң пландары бар. Ал өзүнүн амбициялуу командасы менен биргеликте ишке ашырганы жаткан креативдүү жана инновациялык пландары бар экенин билем. Биз жаш, келечектүү саясатчынын тагдыры бир катасы үчүн талкаланышына жол бербешибиз керек. Ыйык Рамазан айынын алдында баарыбыз бири-бирибизди кечирсек туура болот деп ойлойм. Эл уулун кечирет деп ишенем!" – деди Алимжанов.Депутат кырсык айтпай келерин кошумчалады.Эске салсак, 12-мартта социалдык тармактарга ЖК депутаты Жаныбек Абировго окшогон адамдын бир нече кишилер менен мушташка аралашып, бир адамды сабап жаткан видеосу тараган.Андан сырткары, социалдык тармактарга күзөт агенттигинде иштеген, аты аталбаган кишинин чатакка байланыштуу билдирүүсү жазылган. Анда ресторанга чакырык менен жетип барган ыкчам аракетке келүүчү топтун эки кызматкерин ошол жерде онго чукул адамдын сабаганы айтылган.Октябрь райондук ИИБ 12-мартта милицияга жабырланган Д.А. аттуу киши кайрылгандыгын билдирди. Жабырлануучуну болжол менен саат 03:30да Элебаев көчөсүндөгү ресторанда белгисиз киши сабагандыгын билдирген. Ал адам башынан жаракат алып ооруканага кайрылганы, учурда текшерүү башталып, тергөө жүрүп жатканы айтылган.Ал арада президент Садыр Жапаровго мушташуу жана Жогорку Кеңештин депутаты Жаныбек Абиров тарабынан жарандын сабалуу фактысы тууралуу маалымдалган. Ал Ички иштер министрлигине болгон окуяны ар тараптуу иликтөөнү тапшырган. Кийин окуяга шектүү эки киши кармалган.Бүгүн Жаныбек Абиров соцтармак аркылуу үн катып, жабылануучудан, жакындарынан, шайлоочуларынан жана жалпы кыргыз элинен кечирим сурады.
https://sputnik.kg/20230314/781-mln-somduk-aylyk-boyuncha-bishkek-meriyasy-prokuraturaga-zhoop-berdi-1073569768.html
бишкек
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, бишкек, жаныбек абиров, мушташ, депутат, фарходбек алимжанов
кыргызстан, бишкек, жаныбек абиров, мушташ, депутат, фарходбек алимжанов
Абиров катышкан мушташ: депутат Алимжанов досунун жоругу үчүн кечирим сурады
12:41 14.03.2023 (Жаңыртылды: 12:59 14.03.2023) Эл өкүлү досун коргоп жатканы үчүн ага карата жаман сөздөр айтылышы мүмкүндүгүн, буга ар бир адамдын акысы бар экенин белгиледи.
БИШКЕК, 14-мар. – Sputnik. Жогорку Кеңештин депутаты Фархад Алимжанов мушташка катышкан кесиптеши, досу Жаныбек Абировдун жоругу үчүн жабырлануучунун жакындарынан жана элден кечирим сурады. Ал мындай пикирин соцтармакка жазды.
"Бул постту досум, кесиптешим Жаныбек Болотбековичке арнагым келет. Мен унчукпай четте карап тура албайм. Окуяны жакшы деп айтпайм, баланын апасынан, жакындарынан, бардык кыргызстандыктардан кечирим сурайм. Кечиримдүү бололу. Учурда жабырлануучунун энеси жана коомчулуктун кечиргени маанилүү", - деди депутат.
Эл өкүлү досун коргоп жатканы үчүн ага карата жаман сөздөр айтылышы мүмкүндүгүн, буга ар бир адамдын акысы бар экенин белгиледи.
"Бирок мен айкөл элибиз андай нерседен жогору туруп, гумандуулук кыларына ишенем. Биздин досубуз Жаныбек мырзанын өлкөнү өнүктүрүүгө багытталган чоң пландары бар. Ал өзүнүн амбициялуу командасы менен биргеликте ишке ашырганы жаткан креативдүү жана инновациялык пландары бар экенин билем. Биз жаш, келечектүү саясатчынын тагдыры бир катасы үчүн талкаланышына жол бербешибиз керек. Ыйык Рамазан айынын алдында баарыбыз бири-бирибизди кечирсек туура болот деп ойлойм. Эл уулун кечирет деп ишенем!" – деди Алимжанов.
Депутат кырсык айтпай келерин кошумчалады.
Эске салсак, 12-мартта социалдык тармактарга ЖК депутаты Жаныбек Абировго окшогон адамдын бир нече кишилер менен мушташка аралашып, бир адамды сабап жаткан
видеосу тараган.
Андан сырткары, социалдык тармактарга күзөт агенттигинде иштеген, аты аталбаган кишинин чатакка байланыштуу билдирүүсү жазылган. Анда ресторанга чакырык менен жетип барган ыкчам аракетке келүүчү топтун эки кызматкерин ошол жерде онго чукул адамдын сабаганы айтылган.
Октябрь райондук ИИБ 12-мартта милицияга жабырланган Д.А. аттуу киши кайрылгандыгын билдирди. Жабырлануучуну болжол менен саат 03:30да Элебаев көчөсүндөгү ресторанда белгисиз киши сабагандыгын билдирген. Ал адам башынан жаракат алып ооруканага кайрылганы, учурда текшерүү башталып, тергөө жүрүп жатканы айтылган.
Ал арада президент Садыр Жапаровго мушташуу жана Жогорку Кеңештин депутаты Жаныбек Абиров тарабынан жарандын
сабалуу фактысы тууралуу маалымдалган. Ал Ички иштер министрлигине болгон окуяны ар тараптуу иликтөөнү тапшырган. Кийин окуяга шектүү
эки киши кармалган.
Бүгүн Жаныбек Абиров соцтармак аркылуу үн катып, жабылануучудан, жакындарынан, шайлоочуларынан жана жалпы кыргыз элинен
кечирим сурады.
14 Жалган Куран 2023, 12:36
