Радиостудия Sputnik Кыргызстан в Бишкеке - Sputnik Кыргызстан, 1920
Радио

Чокморова: өлкөдө 22 жашка чейинки балдарда В гепатити кездешпейт

© Sputnik / Асел АкматКан аркылуу жугуучу вирустук гепатитке каршы күрөшүү жана ВИЧ-инфекциясын көзөмөлдөө борборунун директору Үмүт Чокморова
Кан аркылуу жугуучу вирустук гепатитке каршы күрөшүү жана ВИЧ-инфекциясын көзөмөлдөө борборунун директору Үмүт Чокморова - Sputnik Кыргызстан, 1920, 14.03.2023
Жазылуу
Кан аркылуу жугуучу вирустук гепатитке каршы күрөшүү жана ВИЧ-инфекциясын көзөмөлдөө борборунун директору Үмүт Чокморова өлкөдө эмдөөнүн натыйжасында жаштар арасында гепатиттин B түрү кездешпей турганын айтты.
2016-жылдан тарта гепатиттин B түрүнө каршы улуттук эмдөө программасына киргизилип, балдар ымыркай кезинен эле вакцина алышат. Бул тууралуу Үмүт Чокморова Sputnik Кыргызстан радиосуна маек куруп жатып билдирди.
Чокморова: өлкөдө 22 жашка чейинки балдарда В гепатити кездешпейт
Анын айтымында, учурда Кыргызстанда 22 жашка чейинки балдарда B гепатити кездешпейт.
"БУУнун программасы боюнча, өлкөдө гепатиттин B түрүн 2030-жылга чейин ооздукташыбыз керек. Мунун негизинде өкмөт акча бөлүп, азыркы учурда чоң адамарды да акысыз эмдеп жатабыз. Вакцинанын натыйжалуулугун ушундан билсек болот, 2016-жылдан тарта жаңы төрөлгөн ымыркайлар милдеттүү түрдө эмдөөдөн өткөндүктөн, 22 жашка чейинки балдардын арасында бул илдет такыр кездешпейт. Эгер бир-эки учур каттала турган болсо, алар кезинде ата-энеси баш тартып койгон балдар болуп чыгууда. Биз мына ушундай эмдөөнүн негизинде гана гепатиттин B түрү менен күрөштө жеңе алабыз. Бул илдет кан аркылуу, жыныстык катнаш аркылуу жугуп, симптомдору дароо билинбегендиги менен кооптуу. Мисалы, сулуулук салондоруна же медициналык клиникаларга барганда жуктуруп алуу ыктымалдуулугу бар. Вирус жукканы дароо билинбейт, ал абдан туруктуу келип, талапка ылайык дезинфекцияланбаган буюмдарда көп убакытка чейин сакталып кала берет", — деди Чокморова.
Дарыгер гепатиттин B түрүн жуктуруп алган учурда врачтардын көзөмөлүндө болуп турган бейтаптын башкаларга жуктуруу коркунучу жок болорун кошумчалады.
Жаңылыктар түрмөгү
0