Түркияга жардам үчүн ачылган эсепке 100 млн. сомдон ашуун акча чогулду

© Sputnik / Махир Бозтепе / Медиабанкка өтүүТүркиянын Антакья шаарында болгон жер титирөөнүн кесепеттери.
Түркиянын Антакья шаарында болгон жер титирөөнүн кесепеттери. - Sputnik Кыргызстан, 1920, 10.03.2023
Жазылуу
Атайын эсеп 7-февраль күнү ачылган.
БИШКЕК, 10-мар. — Sputnik. Зилзаладан жабыркаган Түркиянын эли үчүн кыргыз өкмөтү тарабынан ачылган атайын эсепке 100 миллион 559 миң сом чогулду. Бул туурасында Финансы министрлиги билдирди.
Маалымат 10-март саат 9:00гө карата берилген. Сомдон сырткары 18 250 рубль жана 65 доллар да түшкөн.
Атайын эсеп 7-февраль күнү ачылган. Зилзаланын кесепетин жоюуга көмөк көрсөтүүнү каалагандар төмөнкү реквизиттерге сом, доллар жана евро түрүндө которо алат:
"Айыл Банк" ААКы:
ИНН 01803199710084
БИК 135001
ОКПО 30597768
Эсеп № 1350102119900169 "КР Финансы министрлигинин транзиттик эсеби (Түркия Республикасына жардам)" (сом, АКШ доллары, евро)
Төлөм коду: 14411100 – "Учурдагы жардам";
Максаты — Түркия Республикасына жарандардан жана юридикалык тараптардан жардам.
Маалымат үчүн номерлер:
ӨКМ —112;
КР президентинин администрациясынын кырдаалдык борбору — (0312) 662292.
Эскерте кетсек, 6-февралда таңда Түркиянын түштүк-чыгышында магнитудасы 7,4, тогуз сааттан кийин дагы 7,7 баллга жеткен жер титирөө катталган. Эпкини коңшу мамлекеттерге да тийип, жер Сириянын Алеппо, Латакия, Хама жана Тартус провинцияларында да силкинген. Расмий маалымат боюнча, зилзаладан Түркияда каза болгондордун саны 50 миңден ашты.
Издөө-куткаруу иштерине көмөктөшүү үчүн Кыргызстандан 170 куткаруучу барган. Турак жайсыз калгандар баш калкалап турушу үчүн 120дан ашуун боз үй да жөнөтүлгөн.
Доллар акчасы. Архивдик сүрөт - Sputnik Кыргызстан, 1920, 18.02.2023
Түркияда кыйраган үйдүн алдынан куткаруучулар 2 млн. доллар тапты
Жаңылыктар түрмөгү
0