Композитор: демократия чыгармачылыктагы табитти тескери буруп салды
© Sputnik / Асел Акмат
Жазылуу
Композитор, обончу Качкын Абдыкадыров кыргыз эстрадасындагы ырлар өтө эле жеңил-желпи болуп кетти деген пикирде.
Кээде атактуу, салмактуу аткаруучулар кайрылып, тойго ылайыктуу жеңил-желпи обон жаратып берүүмдү өтүнүшөт. Карап отуруп биз элдин табитин жаратпай эле өлтүрүп жатабыз деген ой келет. Мындай пикири менен Качкын Абдыкадыров Sputnik Кыргызстан радиосуна маек куруп жатып бөлүштү.
Композитор: демократия чыгармачылыктагы табитти тескери буруп салды
Анын айтымында, искусство адамдары коомдун табитине ылайыкташпай, аны жаратышы керек.
"Искусство тармагына демократиянын кереги жок экен. Анткени мурдагыдай көркөм кеңештер жоюлуп, ар ким каалагандай чыгарма жаратып, жеке менчик медиалар же интернет аркылуу таратып коомдун табитин бузуп жатат. Эл ушундай ырларды угуп жатат, коом ушундай чыгарманы каалап угат деген — бул шылтоо. Сен билимдүү искусство адиси болгон соң, мейли, сөзүн жазган акын же обончу бол, аны аткарган аткаруучу бол, элде ошол табитти пайда кылуучу болуп эсептелесиң. Коом деген аккан суу да. Кандай деңгээлдеги чыгарманы көп укса ошонун артынан ээрчийт, ошол күнүмдүк жашоосуна сиңип калат. Ал эми маданият өкүлдөрүнүн милдети коомдуу тазартуу, агартуу, бийик табитти жаратуу болуп эсептелгендиктен бул тармакта тартип, текшерүү, иргөө деген керек экен. Болбосо демократия деп биз келечегибизге балта чаап, алдыга өспөй эле, чөгүп баратабыз", — деди Абдыкадыров.
Композитор мыкты обондун жаралышына каражат негизги маселе болбой турганын кошумчалады.
